مرات اقرر اطلع من ها المنتدى بلا رجعه بس استعيذ من الشيطان واقول اسكتي مالج غيره بس انه ايكون تمييز ما بين الاعضاء ها اللي ما احبه واكرهه
يعني امس كاتبه موضوع عن شيء ((يخوز صبغة العباه من الشنطه)) ويقوم الاخ ويحذف موضوعي على اساس انه ثبت موضوع للاسئلة والطلبات انزين ما تقدر يمكن انا ما انتبهت يمكن انا كتبت الموضوع قبل لا اتثبت موضوعك انزين ليش تحذف ما تنقل الموضوع.. يمكن ها المشكلة تافهه بالنسبه لك بس تعنيلي شيء كبير لا المشكلة اني يوم اعترضيوم ينحذف الموضوع محد يرد عليك جنك ما ترمس حد !
لا يوم اشوف المواضيع الباقيه للطلبات والاسئلة اشوفهم محطوط عليهن مغلق
انزين شمعنى موضوعي اللي انحذف ؟
صدق مقهوره من ها الشيء
والله علشان الرقي بهالمنتدى يسوون هالأشياء ..
يزاهم الله خير حطووو موضووع عن الأستسفارات علشان ما تكثر مواضيع الأستفسارات ..و عسب يكون مرجع للغير ..
أما سالفة ما يردون على استفسارج ..اممم يمكن بعدهم ما شافوووو الأستفسار ..
عساج عالقوه يا رب
أختي
المشرفــيـــن
مب واحد ولا اثنين ولا ثلاثه .. ويمكن اللي حذف موضوعج غير عن اللي قفل المواضيع الثانيه ولكل مشرف طريقه في التعامل … فنحسن الظن … وهدي وانا اخوج والسالفه ما تستاهل
والله ياختي مادري شو أقولج.
البكس شغال من البارحه للحين.
هذا رابع مادري خامس موضوع أدشه و أشوف فيه حد يشتكي !
خليها على الله، الواحد ما يبا يرمس.
طبعا أنا ما عندي مشكله ويا المشرفين، عشان محد يفهم كلامي خطأ.
استهدي بالله
أعصااااابج يا حرمه
إن شاء الله بيردون عليج …
وبيقول لج السبب ..
من يوم فتحو موضوع خاص للاسألة
نص الاعضاء فتحو مواضيع استفسارات !
خيتوووو هدي // ان شالله حد من المراقبين يدش
ويجاوبج