~*¤®§ (*§ الدار العقارية فنشوني .. شو اسوي ؟؟ §*) §®¤*~

9 thoughts on “~*¤®§ (*§ الدار العقارية فنشوني .. شو اسوي ؟؟ §*) §®¤*~”

1. زيغتني على بالي انت فنشووك هههه

   الله يعينه الصراحة ..

   بس ليش ما يرمس السوبرفايزر ماله .. ويشرحله ظروفه ..

   ما ادري والله فهالامور واايد بس الله يعينه .. سياسة تعسفية جدا ..

   لو يقدر يوصل لرئيس الادارة .. احمد الصايغ ..

   الله يوفقه ويعينه ياربي ..

   .
   .

2. افتح التلفزيزن الحين على قناة “مرمس النور”
   مستضيفين بن ديماس ويكلمونه عن الموظفين المواطنين

3. السلام عليكم ……………

   اول شي الله يعين ربيعك على مشكلته و نتمنى انه الله اييسر امره بشغل يديد.

   انا بقول كلام و اتمنى توسع صدرك شوية و تتقبله مني…زلاني ما بجاملك مثل بعض الاخوان و لا بقولك سير اشتكي و مالهم حق و مادري شو ..بس الاولى ان نغير الاسباب عشان نتجنب التكرار للمشكلة هذي …” لن يغير الله ما بقوم حتى يغيروا ما بانفسهم” صدق الله العظيم.

   انا كاماراتي احب دائما انقل صورة مثالية عن شباب بلادي و لكن بصراحة انته بديت موضوعك متبجح بغلط
   كبير و شي بصراحة ابدا ما يشرف و الانسان الافضل ان يستر على اخطاءه بدل ما يتفاخر فيها . انا استغرب كيف ضميرك و دينك و اخلاقك تسمحلك ان تدش النت و بنك نيم دار زايد و تقول انا شارد من الدوام الساعة 10 و سرت شيشت و برد الدوام عقب الغدا !!!!!!!!!!!!!!!!!!!!!!! اسمحلي يعني بس هالدوام لي انته شارد منه و يدفعلك راتب اخر الشهر مب عشان تشرد منه و تسير تشيش بالبيزات هذي !! انا مادري كيف تحلل راتبك على نفسك ! انته حر بنفسك بس ما اعتقد انه من حقك تحط هالنك نيم و تدش النت و تتفاخر بالغلط لي تسويه لا و حاط صورة شيشة بعد !! اما صدق منكر !!!

   اما عن ربيعك و انا بصراحة اتوقع يسوي مثلك هو لانه المرء مثل خليله و لكن …. اي انسان يوم يكون في الفترة التجريبية اذا كان فعلا يبا الوظيفة كان بيسوي المستحيل عشان يثبت وجوده و قدراته و ينجز الشغل المطلوب منه و يلتزم بالوقت و ما اعتقد انه في اي سبب في الدنيا ممكن يخلي اي شخص مب قادر يبرر اسباب غيابه او انقطاعه عن العمل !!!! و اذا كان بالفعل محد دربه في الدوام اذا ليش كان ساكت خلال المدة كلها !!! ليش ماكان يروح عند مديره و مسؤوله في الدوام و يقوله ! ليش ما يروح عند زملاءه و يقولهم دربوني !!

   انا بقولك ليش لانه للاسف اغلب اخواني الشباب حاطين في بالهم ” نحن مواطنين و ما نتفنش”!!!!!!!!!!!!!!!! و هالشي للاسف ” البعض” حاطنه في راسه و ماشي عليه و هذا اكبر خطاء ..لانه قبل لا يحاسبونك على ادائك فكر ان في رب يراقب و نفس مفروض تحاسب نفسها و ما نكون عالة عالدولة و ماشيين بنظرية ” كيفي اماراتي”……….. اسمحلي بس بقولك الدولة تسفرنا ندرس و نتعلم عشان و توظفنا عشان نشتغل و ننتج ..مب عشان نشرد و نشيش و لا نغيب بدون اعذار!! خافوا الله في بلادنا ! و تحروا الحلال في رواتبكم… اتمنى الله ايوفق ربيعك بشغل يديد و يتجنب اخطاءه السابقة و الله يعطيه الصحبة الصالحة.

   رولكس

4. الله يعينه و ان شاءالله يحصل مكان أحسن من شركة الدار.

   أسباب الفنش ((وغبت كم من يوم بدون عذر لأسباب خاصه جدا ماروم اذكرها وفي بعض المهام اللي عطوني اياها ماقدرت اخلصها بالوقت اللي يبونه لأني ماكنت اعرف )).
   كيف الواحد يغيب و هو تحت التدريب و مب مثبت؟ لازم يحسب الف حساب للغياب في فترة التجريب.

   لكن ما يقدرون يقولون له مباشرة و ثانيا الأزمـة الماليه. لا تنسى شركة الدار شركة خاصة.

5. أنا أشوف لو عنده دليل على ظروفه يسير وزارة العمل و العماال

   حتى لو ماعنده

   يسير يشووف شو بيسوون

   وإن شااء الله بيلاقي له حل

Comments are closed.