مجنون الامارات

الليل والفنجال وقت السكينه
اجظ عالمركى والافكار ياتن

جرد علي الليل ياساكنينه
الانس وحوش الخلا وعالم الجن

وش قصة المسباح يملوحينه
الوحه واسمع صعيك الخرزهن

نار التتن كنها بصدري مكينه
وما حولي الا عجيزي يوم تلعن

قهوتني الموت الحمر والرطينه
واهز فنجال العجوزه واركن

كنه اله الحب جاني بعينه
واني بذيك البنت تضحك بلا سن

تلبس لباس الجاريه او لبس قينه
نادت علي وخفت لاقول لكن

ثم اكشفت عن ساقها هاللعينه
وقامت تراودني الى من على عن

جتنيي وريحتها كما الياسمينه
وقامت تنشقني والعروق يبسن

لو العرق يبرد يبيح كنينه
كان أعرقي ياقف ولا اصبو اليهن

الرب الهمني وانزل يقينه
اجنود من فوقي وحولي يلفن

عطنا يا ابن عمي علوم السفينه
وجو ٍ به العقبان ودهن ينوشن

لعيون ابو فالح وطلة جبينه
سلام حلو من الورود وعسلهن

سلام يرقا للديار الحصينه
اللي مجالسها بها فايح البن

طلق الحجاج اللي علومه رزينه
سبع المراجل في يمينك يصولن

يلي تجيب من العلوم السمينه
ازرى الجمل منها على الصاع والطن

وعز الله انك من رجال ٍ فطينه
هذاك جدك صيت الصيت واعلن

ومن بعد ذا خل الجروح الدفينه
ترى جروح الروح ما هن يطيبن

الله يرحم للغضي والدينه
سلم وقول عناد من ونته ون

يا صاحبي كم جات بيني وبينه
احلى الليالي مير عيا عليهن

كم مرة ٍ عيني تجي وسط عينه
وانا انقهر وآموت وإن وآ إن

وشلون لو تلمس يميني يمينه
ليصيح مجنون الامارات وينجن

يا لعنبو حظ ٍ تقافت سنينه
يرجف بقلبي رجفة النجر لا دن

وان كانها مني عسى الله يعينه
ما اخون مظنوني ولا اخيب الظن

وان كانها منه تجيني الغبينه
انا قبلت الغبن يا صغير السن

وجدي وجود اللي عيونه حزينه
اللي على شوف الحبايب بكاهن

يالله لا تجعل بقلبي ضغينه
وانك تخلي هالعيون الرجاهن

وانك تروف بنفس صارت ضنينه
ازرت على الحمل المسمى وشدن

ياقلب مالي غير لينك ولينه
لن يا خقوق الحب يا للوفا لن

ياليت ما ذقت الهوى من يدينه
وياليت ما شفته والعيون لدن

نقلت روحي عند خشمه رهينه
لو يطلب عيوني حبيبي خذاهن

اشتاقله واحب لهفة حنينه
واطير من ثوبي الا هاتفي رن