السلام عليكم
اخواني ممكن حد يساعدني في ترتيب شهر العسل
حاليا اتفقنا علي التالي
الدول والمدن:
النمسا: سالسبورج – فيينا – زيلامسي
سويسرا: جنيف – منطقة انترلاكن – لوقانو
فرنسا: باريس – ستراسبورج – جزيرة بورا بورا – نيس
مدة الرحله: 18 يوم (6 ايام في كل دوله)
الرحله من يوم الأحد تاريخ 14-يونيو-09 حتى يوم الخميس 2-يوليو-09
ياريت حد يفيدني اذا في جدول احلى او ينصحني بمناطق ما ذكرتها
وشو احسن مكتب سفريات في دبي
انا يوم السبت بسير الامارت للعطلات وياريت حد يفيدني بمكان افضل يضمن لي الخدمه الجيده لاني مابا اتبهدل في شهر العسل 
اتمنى من المشرفين عدم نقل الموضوع الى قسم السياحه والسفر لان المنتدى العام زواره اكثر ما شاء الله مشكووريين مقدما واتريا ردودكم الطيبه
اخوكم فهد
الله يبارك فيك اخوي
مشكووور عالنصايح الطيبه
واقتراحاتك حلوة وباخذها بغين الاعتبار
يعطيك العافيه اخوي ما قصرت
الامارات للعطلات
اتصل على هذا الرقم انا كل سفراتي وياهم 042033929
وصح أخوي بقيت احذرك من شغلة اتحمل من الشركات السياحية يمكن يعطونك عرض مغري على فنادق 4 نجوم ولا 5 نجوم / وتكون الأسعار رخصية …
بس بيعطونك برع السوق .. اتحمل من هاي النقطة حاول تاخذ الفنادق بوسط السنتر أولاً للامان وثانياً / كل شيء جريب يمك / وثالثاً/ لإنك معرس يديد /
واتجنب من فنادق 4 نجوم
واتعرف شو اسوي ..
أولاً قول حق موظف/ الشركة عطني اسماء الفنادق /
ودش على موقع بكونج وتأكد من موقع الفندق / والغرف والخدمة ..
عقبها أكد الحجز …
ألف مبروك عالزواج مقدما وعقبال العزابية.
يمكن ما اقدر افديك بخصوص البكج بس دايما خذ من عند شركات معروفة مثل الامارات للعطلات خصوصا انك ساير شهر عسل.
وقبل لا تسافر لأي مكان لازم تاخذ فكرة عن الاماكن السياحية الموجودة هناك وهل تناسب للسائح العربي والمسلم.
حاول تدخل منتديات السفر والسياحة واقرا تجارب الاخوان الي جربوا هذي الاماكن من قبل عشان يكون عندك فكرة حتى لو بسيطة عن أي مكان ممكن تروح له.
أهم شي الفنادق لازم تكون راقية مع ان معظم فنادق اوروبا مستواها عادي مب شرات دبي, يعني تحصل فندق 5 نجوم فاوروبا وفدبي نفسه 4 نجوم.
جرب منتديات “سفاري للسفر والسياحة” وخذلك جولة فيه وان شاء الله بتحصل الي يفيدك.
أولاً / مبروك أخوي .. وزواج مبارك عزيزي
بخصوص مكاتب السفريات / بدبي ما أعرف عنها أي شيء ..
بس أنا كنت أتعامل مع شركة عجمان للسفريات قسم حجوزات الفنادق بصراحة الريال عطاني اسعار رخصية كفلتني
وأذا تبقي تبدأ رحلتك أبدئها من باريس والعودة من فيينا أو العكس وعشان ما ترتبط في مواعيد القطارات او الرحلات الجوية أو الرحلات السياحية أجر لك موتر / مع نفقيجش وارتاح وأتحرر من القيود ..
بخصوص المواقع السياحية في الدول تقدر تبحث في منتديات المسافرون .. بتحصل الي تبقاه ..
بأس تأكد من جدول الرحلة وخل يوم الأحد يوم سفر بعيد / كمثال من باريس لين جيف ..
وأذا كنت
سالسبورج تقدر أتروح ميونخ / ولا مدينة انسبروك …
واذا كنت فيينا وصادفك الأحد أنزل براغ تبعد عن فيينا / 5 ساعات / والتشيك يوم الأـحد كل شيء عندهم مفتوح 24 ساعة مب نفس باقي دول اوروبا