السلام عليكم و رحمة الله و بركاته
الاسبوع اللي طاف رحت حلاق فالشارقة .. و تفاجئت انه طلب مني 15 على غير العادة
فقلت يمكن طماع و ما عطيته
و هذا الاسبوع تكرر لي نفس السيناريو في حلاق ثاني
و اكتشفت ان التسعيرة اللي حددتها البلدية ومثبته في الحلاليق تم تغيير السعر من 10 الى 15 لحلاقة اللحية
لماذا هذا التغيير اللي يصب ضد مصلحة المستهلك .. و اصلا ماكان شي مطالبة من اصحاب الحلاليق بزيادة الاسعار
بنسير نحلق فأم القيوين بـ5 ريال ابركلنا من هالزيادات
فهل اللي قريته في التسعيرة صحيح ولا العتب على النظر ؟؟
15 بس احمد ربك يا ريال
في بوظبي مع الرأفه 20
و الله ما عندي فكرة عن العين
لكن فالشارجة تمت الزيادة مرتين و بسبب البلدية اللي تحط تسعيرة من عندها
رفعتها المرة الماضية من 5 الى 10 بهدف توحيد الاسعار
و هذي المرة الثانية من 10 الى 15 … لكن شو الهدف من هالزيادة ؟؟
عمره الحلاق ما تذمر من المبلغ او طلب زيادة من نفسه
أنا الحمد لله أحلق لحيتي بروحي من أيام الثانويه. و شعري من أيام الجامعه.
هاذيج الأيام كانت اللحيه بـ 3 و الشعر بـ 5.
فـ زادوا الأسعار و خلوا اللحيه بـ 5 و الشعر بـ 10.
فقاطعتهم.
الله المستعااااان
أقل شيء فالعين لحية بس 20 درهم وانته طالع