كيف حالكم يا جماعه
اليوم حاب اطرح لكم موضوعي وهو ان كل واحد يدش ويخبرنا عن موقف صار له اليوم او امس او من قريب..
وفيه ان الواحد يغير شوي من نفسيته…
هالقسم احسه كله جد فجد
وياليت الكل يشارك
واذا امكن انه يتثبت…
وياليت حد يتكل عن موقف يضحك, موقف فيه العبره, او اي موقف ثاني
وبسم الله انا ببدأ
—
قبل فترة تقريبا
كان عندي كورس فالكلية,
وانا كنت ساير الكلية وقفت عن اشاره..والكل يعرف اشارات بوظبي كيف اطول..وتأخرت شوي
ربيعي دق لي واخضرت الاشارة
رديت عليه بس علق الفون,
وانا على اساس انها خضرة ودعست شوي
الا واشوف التكسي اللي جدامي واقف
وجان ادعمه شوي…
قلت يالله مب وقته
نزلت ونزل الخان
وانا من ارتباك الحادث وارتباك التأخير ماكنت اعي شو اقول
سألت الهندي : كم رقم الشرطه؟
حسيته يطالعني بنظره
قالي عطني 200درهم وبمشيك
مع انه يقدر يصلحه ب10 دراهم, الدعمه كانت وااايد خفيفه
عطيته ورحت عنه 
وناسه سوالفكم
يا الله امتعونا
يوم الخميس الماضي
يالس اشوف فلم الساعة 11 فليل
ولا اربيعي يدق لي
رديت عليه وانا من طبعي اني يوم اتكلم في الفون احب اطلع في الحوش واتمشى شوي
الحين ابغي اظهر من الحجرة بس يالس ادور وين التلفون عسب اظهر
فسالني اربيعي شو تسوي قلتله اسكت يالس ادور التلفون ومب محصلنه
قالي شو فيك في ايدينك التلفون
استغربت ها شو درااه !!!!!!!!
اول امس وعوني على صلاة الفير
وكنت مسطل من خاطر
رحت بالسيارة وشفت الناس طالعه من المسيد
قلت خلني ارجع
وانا راد ,,, قلت بوقف
وبسكر عيني وبريح شوي
الا فجأة اسمع حد يدق جامة السيارة بقو
الا الحرمة معصبه
تقول “نحن تحرينا صار فيك
“
خفنا عليك
ابوي كان بيروح لك المسيد
وانت راقد ومبسط راقد هني
اليوم الصراحة كان رأسي بينفجر
صداع لا يطاق
وهات هالبندول
وآلام القولون عادت من جديد
والسبب: إعلان نتائج جائزة الشيخ خليفة التربوية
كنت مشتركة ببحث
عن تقويم واقع مناهج اللغة العربية في دولة الإمارات
كان عندي أمل إني أفوز لأني اشتغلت من الخاطر في البحث
وفصّصت الكتب وعصرت مخي
لكن حجبت الجائزة في النهاية
الآن أفكر في كيفية نشر البحث أو على الأقل تطويره
عموما استفدت حقيقة أشياء كثيرة من البحث
وخيرها في غيرها
مموضوعك حلو يالطيب
والواحد يتعلم من غيره فبعض المواااقف
امممم انا ما عندي شي يديد
هههههه
بس اليوم يالسة احني كشة اختي الصغيرونة وهيه فيها رقآآد فديتها فحنيت بس من جدام ما وحالي وسارت ترقد عقب كان شكلها يضحك وهي راقدة والحنة فراسها …
بانتظآر البقية ويومياتهم .. ^_^