السلام عليكم ورحمة الله وبركاته …
اليوم صار لي موقف خلاني أفكر أنزل هالموضوع …
اليوم كنت يالس في مكتبي ” البيضاوي ” ( طبعا البيضاوي نسبه للونه الابيض مب تشبها بمكتب اوباما في البيت الابيض 
)
) كنت يالس .. وكنت فاتح المنتدى وفاتح السوق اللي للأسف كان 
شوي دخل علي صديق .. قال فلان ممكن أستخدم كمبيوترك ( لان مكتبه بعيد ويبغي يشيك على موضوع معين )
قلت له حياك بوعبدالله … تفضل …
يلس على الكمبيوتر وانتبه اني فاتح السوق وانتبه للمنتدى ودار بينا هالحوار :
بوعبدالله : شخبار السوق؟
أنا : والله نازل اليوم
بوعبدالله : انته مشترك في منتدى الامارات للأوراق الماليه؟
أنا : هيه مشارك ( وفيني ضحكه )
بوعبدالله : ( ابتسم ) بأي اسم ؟ قناص؟ وضحك ما ادري ليش يمكن لان قناص كان موقوف من فتره .. لا تزعل قناص ههههههههههه
أنا : لا والله باسم مضارب
بوعبدالله : مضارب مغامر؟
أنا : وفوقي الف علامه تعجب .. هيه انا هو .. انته متابع للمنتدى؟
ضحك وقال اقرا واتابع المنتدى العام ومنتدى البيع والشراء والاسهم .. وكان عندي نيك نيم قبل بس حاليا ما اكتب
شو شعورك لو أنسالت هالسؤال؟ هل تقول انك تكتب في منتدى معين .. وهل تصرّح بأسمك؟ ليش الواحد ينحرج مرات يصرح بأسمه بالمنتدى؟ هل يستحي من اللي يكتبه والا يخاف منه؟
لما سالني بوعبدالله باي اسم تكتب بغيت اقوله ” كبير المستثمرين ” 
بس خفت يوجهون لي تهمه انتحال شخصيه رجال الأمن
بس خفت يوجهون لي تهمه انتحال شخصيه رجال الأمن
بانتظار تعليقاتكم وآرائكم …
بوعبدالله : لو شفت الموضوع ماله داعي التعليقات لو شفتني واستر ما واجهت
اول شي .. الله يوفقكم اختي ويجمع بينكم على خير .. ممكن طلب صغير اختي؟ دام بو العيال عنده خبره بالسوق والتحليل فاساليه عن ” صروح ” اخوج متوهق فيهم شو الراي وياها ؟
انا عن نفسي اثنين من اخواني يتابعون المنتدى ويعرفون اسمي في المنتدى .. وفي واحد منهم اصلا يكتب في المنتدى لكنه لاهي في الاسهم وماله خص في العام …
لكن ارد واعيد سؤالي بصوره ثانيه .. ما يحتاج الشخص مرات نوع من الخصوصيه في انه يكون مجهول بالنسبه للناس عشان يفضفض ويكتب اللي ما يقدر يقوله جدام الناس
مشكوره على الرد والمرور اختي …
__________________
انا تفاجائت بانه كثير من الاعضاء اعرفهم من خارج المنتدي
و2من اخواني بعد موجودين اهني والي اقارب هني
وفي اعضاء تعرفت عليهم من المنتدي وصرنا اصدقاء خارج المنتدي وداخله
أخواني بعضهم عندهم علم ويعرفون اسمي المستعار
بس مشتركين في منتديات ثانية
أتناقش وياهم وساعات أدخل جدامهم ويشوفون الموضوع
واللي تعجبه أفكاري وينقلها للمنتديات اللي يشترك فيها
زوجي يعرف اسمي المستعار ويعرف إني أشارك في المنتدى
وهو اللي كان السبب في اشتراكي ووجودي بينكم
بس -ما شاء الله- ينبهني لأمور حول المنتدى وتظهر صح
قبل ما تفتضح المحافظ الوهمية قال لي:
ترى هالمنتديات الاقتصادية أغلبها للترويج عن المحافظ
وعلى الأقل عقب ما اشتركت في المنتدى
صرت أقدر أمشي وياه على الخط
إذا تكلم عن الأسهم وما أحس إني مثل الأطرش في الزفة
انزين ما قلت لنا منوه هذا بو عبدالله وشو نك نيمه فالمنتدى ولا ماياك الفضول تساله ؟؟
انا عن نفسي عادي اقول نك نيمي اذا انسألت ماعندي اي مشكلة .
تسلم مضارب ع الموضوع والمفروض كل شخص يسال نفسه هالسؤال هل اللي يكتبه في المنتدى سواء هذا المنتدى او اي منتدى اخر يشرفه ويفخر بكتاباته ولا يخجل منها ؟؟مب بس كتاباته حتى سلوكياته وتعامله مع الاخرين !!
يمكن هالشي يدفعه لاعادة حساباته ..
اكرر شكري
كل الود
هيه عادي بقول