السلام عليكم
كيف حال الجميع عندي استفسار عن سيارات اللي في وكالة الكندي وهي من نوع سانج يانج اكتيون
هل من احد جرب هذي السياره وشو الاعطال اللي فيها لاني انا دوخ راسي من اعطالها من الجير الحين المره الثانية يخترب
والمره الاولية لما اخترب صلحو الجير لم يستبدلوه والمره هذي قالوا داخلنه ماي والضمان مايتحمل والمعاملة الوسخه من اصحاب الورشة والكذب
الحين يقولون في الجير ماي انزين من وين داخلنه الماي اكيد عيب من الشركة وهي اللي تتحمل
الصراحة اليوم عصبت منهم اشوفني بحرقها قدام الوكالة مالهم
اظنها صناعة صينية مب كورية ..
احسها فاشلة
الحين مكملة سنتين بس الجير خربان اول شهر من استلمت السياره وقالو لي ما نستبدل وما نشتري هذي السياره بس يعني هم ما يعترفون فيها بس يلصقونها بالناس ويتوهقو الناس فيها
تسلم بن دبي ع الرد
__________________
تسلم اخوي حمدان بس انا عندي سيارات غيرها من الفطيم ومن الهوندا ومن الكيا
ومره كنت خاطف قدام وكالة الكندي انا واخوي ودخلنا نشوف السياره وباعوها لي بالقوة طاح فيها مديح ولما اشتريتها تغيرت المعاملة حتى استوى ما يعرفني بالمره ولما راجعته قالي عندك الورشة نحن بعناك بس
انا شفت افضل معاملة في الكيا والهوندا والفطيم يعني
وتسلم اخوي حمدان
__________________
اخوي اذا ما مكلمة سنة اعتقد يستوي ترجعها للوكالة وتستبدلها بسيارة ثانية … او بيعها على الوكالة وافتك منها ومن صدعتها
هدي اعصابك يا خوى وعين خير وبصراحه انت غلطان عيل السيارات مازره لبلاد مالقيت غير الكوري