طال عمركم اشتريت لكزس 430 أل أس
موديل 2005
وارد امريكي- استخدام شهر بالدولة
فسرت الميكانيكي ( عمر مشتاق – اخو – محمد اعجاز ) بأبوظبي – شارع الجوازات
وخبرني لازم تغير التالي :
– فلتر الزيت
– زيت الماكينة
– فلتر الهواء
– زيت القير
– فلتر القير
– بلاكات
– سفايف
– — بيلت
وغيرها بعض القطع الصغيرة لا اذكرها !!
وبرمجة و تحويل الميل للكيلو –
والغاء علامة استفهام حمراء اللون !!!
وتحديث اوب ديت وتعريب الخريطة والحرارة و و و و
المهم الحبيب حسبها كلها مع القطع والتركيب بحدود 4000 درهم
فحسيت السيارة نظيفة وما اتوقع تغيير كل هذا والميكانيكي يبا يقص علي !!!
فقلت أسأل أهل الخبر في اللكزس وخاصة الوارد
شو تحتاج السيارة من تبديل ضروري الآن !!!! وبعده !!! وشو نوع التاير وصناعته وحجم الرنغ المناسب !!!
وهل البرمجة ضرورية !!! وهل يوجد محل او ورشة بأبوظبي او المصفح مختص وسعره مناسب !!
والله يوفقكم ويحفظكم الجميع
والسموحة
19 thoughts on “استفسار لأصحاب الخبرة في اللكزس الوارد”
Comments are closed.
للرفع
للرفع
تلقى الجواب عند أصحاب الخبرة – بعد قليل !!!!
الله يعينك يا اخوي
بس عندي استفسار
اللكزس الوارد قطع غياره غير عن الخليجي ؟؟
لانه في تفكير اني اخذ لكزس 460 وارد
والصراااااااحة متخوووف !
اخوي ( Old Love )
اشكرك على ردك وخبرتك
الموتر ماشي 62 ألف ميل
والعلامة الحمراء على طول حمراء داخل مثلث
ونصحني واحد من الشباب افصل البطارية واردها وبتروح العلامة الحمراء – شو رأيك !!!
وشاكرا مرورك الكريم ومنكم نستفيد يا اهل الخبرة
سلام
أخوي إنت موترك موديل 2005 يعني مايباله تغيير أي شيء من اللي ذكرته اللهم تشييك على السفافيف والبلكات والسير الخارجي والتايم بلت إذا كانت السيارة ماشيه فوق ال 130 ألف ميل
وبخصوص العلامة الحمراة بتكون يامن واير السفايف أو يوم تسرع فوق 120 وإذا موجوده على طول يبالها إعادة برمجة وبتروح
وبخصوص الرنجات 18 وحجم التواير 18/55/225 والأحسن تركب تواير يوكوهاما لأنها خاصة حق اللكزس ومايطلعن صوت وبعد 5000 ميل من التركيب بدل الجدام ورا والعكس وجذي التواير بيدومن عندك أكثر من سنه
وبخصوص البرمجة في المصفح عند النخيل الأخضر لتصليح كهرباء السيارات وشغلهم وايد حلو وهذا رقمهم
3499912/050 نادر