مطلوب وبالسرعة العاجلة محامي متخصص في عقارات عجمان
للتواصل 0502333227
للتواصل 0502333227
عندي مشكلة مع مطور عقاري لي الحين ما بنوا
ويقولون الحين وقعوا العقد مع شركة مقاولات
وبيبنون والموقع المفروض يخلص في شهر 12 سنة 2010
للحين ما حطوا طابوقه حتى وفلوسي صارلها سنة كاملة مجمدة عندهم
أصلا منوا يبني الحين في ظل الأزمة المالية..
ورسول الله صلى الله عليه وسلم قال: { ومن فرج عن مؤمن كربة من كرب الدنيا فرج الله عنه كربة من كرب يوم القيامة}
أنتظر ردودكم الكريمة
للرفع
يا الربع
اتصلت فيهم وأنا عارف إنه ما منهم فايده
الشركة توها مسجله عندهم
والفلوس صارلها من سنة عندهم شو يسوون فيها
والحين في ظل الأزمة منو يبني؟؟؟؟؟؟؟؟؟!!!!!!!!
فالك طيب
وإن شاء الله أوصل لنتيجة
أخوي انا صارت لي مشكله مع إحد الشركات حبيت اسحب فلوسي و بعد البحث و التحري
طلع في جهه مختصه في عجمان للتنظيم العقاري
رقمهم
067444144
اول شي اتصل اتأكد هل المطور امسجل في التنظيم العقاري
وعطهم اسم المشروع و اتأكد هل في حساب للمشروع
لانه اللي فهمته انه افلوس اقساط الشقق اللي ندفعها اتروح لحساب المشروع اللي تحت اشراف حكومة عجمان ( الحساب محجوز عليه )
في حال انجز المطور على سبيل المثال 10% من المشروع يحق له يسحب 10% من المبالغ
بالشكل هذا
فهاي اول خطوه اتسويها
اذا المطور مب مسجل في التنظيم العقاري
بالعربي الفصيح
الحق على عمرك لان بعض المطورين خاطبتهم الحكومه للتسجيل في التنظيم العقاري و قاعدين يتهربون و لم يتم اتخاذ اجراء جزائي بخصوصهم يعني الموضوع مطاط هذا يزقرهم و هاييلاك يشردون
هذا كل اللي اقدر افيدك فيه
و السموحه
الله يعينك ويرد حقوقك
ولو حصلت محامي خبرنا ترا نحن عندنا نفس المشكلة