عندما يتغير عليك أعز الناس

16 thoughts on “عندما يتغير عليك أعز الناس”

1. لو هالشخص غالي عليّه .. مستحيل اطنشه.. لابد اني برمسه ف الموضوع ويه لويه مش بمسجات ولا ايميلات ولا اتصال !! لأنه ماعرف انا كيف بيستقبل الكلام او بيقراه وبيفسره على كيفه !! ولأنه أمره يهمني.. مابخلي الموضوع مثل ما هوه عليه..

   لكن لو كان غير غير جيه ..

   على قولة الشاعر

   من راح من كيفه وكيفه يوديه .. خله على كيفه وكيفه يجيبه

   اللي يصد وهاقي اني بناديه .. اقطع لساني لو لساني يحكيبه

   وشكرا ع الموضوع !

2. الله يعين من ذاق مرارة الفراق …….. و الصبر مفتاح الفرج

   تحياتي لك على الموضوع المتميز

3. شكرا على ها الطرح الطيب

   و من ناحيتي انا ما بسأل عن السيبب وطنش تعش

   و عادي عندي اذا شفت حد و جفى عني انا بعد بجفي ما بركض وراها

   و بدال الصديقه بالقى 1000 اخت مب صديقه

   و بعد حد اتشوفه اوكي وياك سلام و اتصلات و مسجات و حاله يعني ما تمر ساعه الا داق و اخر شئ تلقاه يطلب منك طلب عونك يا الخوي و انت اتقول فالك طــ و ما بتقصر بس يوم يقضي حايته جان شفت رقعه ويهه و ان شفته بيسوي عمره ما شافك …. ^.^
   اغلبهم مصالح خخخ

   جني خبصتها شوي … طلعت عن الموضوع

   ع’ ـــ العموم شكرا

4. موقف صعب اخوي

   انه يتغير عليك شخص تعزه وما تعرف السبب

   بالنسبة لي اذا كانت شخصيه مقربه جدا

   احاول اعرف السبب

   واذا كنت غلطانه اعترف بغلطي واعتذر

   ولا انساه بالطبع

   لانه اكيد له مواقف طيبه معاي

   نصيحه اللي عنده شخص يعزه يسامحه

   ويحافظ عليه ويصالحه ويراضيه الدنيا ما تسوى

5. سلام عليكم

   بصراحه انا ما عندي جواب,,

   لأني فعلا أمر بهذا الموقف..

   سبحان مغير الاحوال,,

   شكرا,,

Comments are closed.