ماهي الأحلام التي توقظك من النوم؟؟؟

9 thoughts on “ماهي الأحلام التي توقظك من النوم؟؟؟”

1. السلام عليكم ورحمة الله وبركاته

   الكوابيس…

   اعوذ بالله من الشيطان الرجيم

   انا 3 احلام وعوني وقفزوني من عز رقادي…
   وما اقدر انساهم

   الاول….
   كنت ارقد واحضن دبدوب
   (فديت رقتي )
   الموهيم اني كنت قبلها شايفه فلم رعب
   وحلمت ان الوحش اللي شفته في الفيلم هجم علي في الحلم
   تخيلووووووووووو
   وفزيت من رقادي وتخيلته هو الدبدوب مالي
   وافر الدب على اليدار وبعد هدنه مع التنفس والتلفت يمين ويسار
   رجعت شليته وضربته

   صدق اضحك يحليلي

   ما عليش كنت وقتها بيبي
   ويلسته بعيد عني ….
   ومن بعدها مافي اي لعبه او دبدوب حذالي

   الثاني….
   مره حلمت بصرصور كبير يعني وااااااااااااايد كبير
   ويريد يحل على ظهري ويقرب مني وانا اركض

   وهجم على ظهري النذل وقفزت من نومي

   ومن على السرير وانا انفظ ملابسي واضرب ظهري

   واشغل الليت وشوي…تذكرت اني احلم…

   وكانت الساعه 3 الفير
   بسم الله صدق انصرعت لاني وااااااااااااايد اخاف منه القذر

   والحلم الثالث….
   مو اي حلم
   كان كابوس
   والصراحه كان رعب مو بس رعب …
   حلمت في اللي ما ينذكرون (الجن)

   االكابوس كان طووووووووويل ….
   وما باذيكم فيه واصلا لما اذكره اخاف

   والاهم اني لما نقزت من رقادي كانت الساعه 3 وربع
   ما كنت اقدر احرك ايدي اليسرى تخيلووووا
   تقريبا عشر دقايق كنت اريد انش من على السرير مو قادره
   احس كتفي وايدي لاصقة بالسرير ومو قادرة اتنفس من الزيغه
   وقعدت اصيح واتعوذ من الشيطان
   وشغلت القران وبقى الالم بايدي تقريبا 10 ايام

   اللهم سكنهم في مساكنهم

   ويا اخوي هذه احلامي المرعبه
   وكاني حشريتكم شوي

   (قصص من الواقع)

   وربي يبعد عنكم كل سوء
   وتسلم يا اخوي

   مع كل الود

   اختكم
   سهمي عالي

2. هناك نوعية معينة مما يشاهده الإنسان
   تعد من الكوابيس
   توقظ الإنسان
   ليس لها تفسير غالبا

   ونسأله تعالى ان يرحمنا

   خيرا ترون وخيرا يكون ان شاء الله تعالى
   وشكرا لك

3. الاحلام اللي تزيغ

4. الاحلام المفزعه

5. اليواثيم يوقظوووني من النووم

   يرقعبي ترقيع لين ما انش مشلقه و اشغل القران و ينفد

   لووووول

Comments are closed.