السلام عليكم ورحمة الله وبركاتة
يا جماعة الخير بالله عليكم هاذي حاله شفتوا حال البنات والحريم في الدوائر الحكومية والخاصة تلقى العباه مشغولة ومزركشة بألف لون ولون …لا والموديل كل يوم شكل!!!!
شو بيستوي لو هاي الدوائر تنزل قرار بلبس عباه مشغولة بلون اسود او عباه ساده …اولا احشم وثانيا لانه مكان عمل وثالثا كل وحده بتوفر فلوسها…
لا وفي المولات ادهى وأمر يوم تشوفها تقول جنها سايره عرس!!!! مادري في الاعراس شو يسون!!!!!
خافن الله في عماركن….
بس الخريطه عادي اتوقع
اللي يشوف الموظفات في الدوائر يقول عرض أزياء مش موظفات جايات الدوام
من الأفضل الواحد يسير الدوام بعباه سادة ومسكرة نحن مب سايرين نستعرررررض
العبي المزركشة والملونة حق المناسبات و العزايم مب حق السوق والدوام
الله يعين بس
والله مايخلون شي مايحطونه في هذي العبا
صور ورسمات
حتى اشكال التضاريس حطوها ومفتاح الخريطة على ينب
والقهر شوفو من اصحاب محلات العبي
سنة بالكثير وبتشوفون العجب
تلفزيون على طرف العبا
وشيله فيها نايت فيجن
وشنطة فيها سستم صوت
وكعب عليه دبه كراش وكلج بو نفله ماعرف شو اسمه مال الاستيشنات
مواتر مب عبي
حق الدوام ما البس الا عباه ساده
الا جان عندنا مناسبه و الا شي هيه بكشخ بعباه زقرتيه …بس حق كل يوم شحقه ان شاء الله؟
انا من الاساس ما احب العبي الاطقم و ويع الراس
و انا اوافقج الراي …لو ينزلون قانون العبي الساده في الدوام بيفكونا من الصدعه