السلام عليكم و رحمه الله و بركاته ..
يا جماعه فشلتونا حطينالكم الاعلان عن وظايف شاغره و طرشتو الطلبات و غالبيتكم ما سارو المقابله وحتى ما تعبتو عماركم تتصلون تعتذرون .. انزين يوم انكم ما تبون تيون المقابله ليش تطرشون الطلبات.؟؟؟؟
ع العموم للجادين فقط .. هالمره بليييييز ..
ورجاءا اخواننا العرب والخليجين .. و البدون .. و الهنود .. منعا للاحرااااج هالوظايف و تقديم السيفي بس لمواطنين الدوله .. او حاااملي الجواز و المرسوم.
تعلن مجموعة شركات الرستماني عن وجود الوظائف الشاغرة التالية:
موظف استقبال receptionist
– منسق تسويق marketing coordinator
– ضابط امن وسلامهsafety and security officer
– موظف بداله telephone operator
– مندوب علاقات عامه PRO
– موظف خدمة العملاءcustomer service representative
-اداري تسويق Marketing executive
-استشاري خدمات service advisor
كما نرحب باية طلبات في اية مجالات اخرى
دخيييلكم بس للجادين ..
الي بيحضرون المقابلات و يردون ع التلفون و تلفوناتهم مب مغلقه ولا مقطوعه ولا خارج نطاق الخدمه .. و الي عندهم نيه يتصلون لو ما بيحظرون المقابله يقدمون الطلب 
و الي يبا يتسلى يستريح
انتظر الطلبات ع هالايميل
إن المواطن يتسلى أو غير جاد هذا كلام مايدش المخ إسمحولي
يمكن مستحي يقول رأيه بصراحه ومايحب يسوي مشاكل يعني يعرف إن كلامه لابيودي ولا إيب
لأن الأمور واضحه وضوح الشمس
الحمد الله المواطنين دارسين ومتعلمين بس المشكله طيبتهم الزايدة وعدم المواجهه
هي المشكله الكبيرة اللي بتخلي الأجانب والهنود والوافدين هم يكونون الكل في الكل في البلاد
أقوللهم في المقابله وظيفه في المكتب عطوني وظيفه برع المكتب !!!!
ال hr رمسه والأماكن اللي بداومون فيها رمسه ثانيه
يوم قتلهم ال hr قالولي الدوام من 8 لين 5 العصر لان الهنود يداومون لين 7 ونص
قالي المدير الفلاني لا دوامنا لين 7 ونص هذا دوامنا مانقدر نغيره
أنتوا يوم كل واحد منكم له راي
ليش تخلون الناس يراكضون أسير أزهب الأوراق ومقابلتين عقب طلعت الوظيفة والدوام ماتناسب المواطنين
لاتزعلون بس المكان اللي سرته ماكان فيه ولا مواطن واحد حتى قالولي أول وآخر مواطن يداوم في
هذا المكان أنته
أنا مادري ليش يوظفون مواطنين أصلا يمكن عشان يحلون الإشكاليه ويا وزارة العمل وهذي المشكله
يوم تنجبر جهه أنها توظف مواطنين بالغصب تطلع النسبه بهذا الشكل
0.3 ٪ نسبة المواطنين في القطاع الخاص !!!!!
طبعا هذي النسبة مب من عندي هذي النسبة من جريدة الامارات اليوم
بعدين تعالوا بقوللكم شيء ال hr في مكان صعب الوصول إليه مثل المتاهه يعني الواحد
عشان يوصل لهذا المكان اليديد يباله يا تكسي يا يتم يلف ويدور لين مايحصل المكان أو يستعين بقوقل
إيرث لان ال map اللي يطرشونه مب واضح عدل الواحد من يسمع أنه عدال دبي مول يقول خلاص
وصلت لا شيء جسر وشيء لفات وايد تفصل المكان عن المول
هذي الملاحظات اللي لاحظتها
أنا وايد عندي ملاحظات عن أماكن تندرج تحت القطاع الخاص تروج بأنها تسعى للتوطين وتضع شعارات
في كل مكان صورة مواطن بغتره وعقال ومواطنه بالعباه والشيله بين 100 هندي يعني
شوفوا نحن نوظف مواطنين !!!!! وهي لاتفعل
ذلك وهي في الحقيقة تسعى نحو سياسة تطفيش المواطن بحاول أتواصل ويا
المجلس الاعلى للتوظيف
غير مقبول بتاتا أتهام المواطن بالتقصير نحن أمام مشكله كبيرة تعاني منها الدولة وهي خلل التركيبة
السكانية وتوطين الوظائف والمشكله وصلت للقطاع الحكومي وشو اللي باقي بعد ؟؟؟
يزاج الله خير , الله يوفق الجميع
ملاحظة مهمه .. :
الي يطرش السيفي مقابلته بتكون قريبه
والجماعه جادين بس ياليت الجديه من طرفكم
شركه الرستماني للاتصالات تحتاج الى منسق مبيعات . مواطن الجنسيه
المؤهلات التعليميه مو مهمه كثر ما الاشيا التاليه مهمة
حب العمل
العطاء فالعمل
الاجتهاد و الانتظام
حب التعلم والانتاج
اللغه الانجليزيه وايد مهمه
الجواز و الجنسيه
الكمبيوتر مايكروسفت
الرجاء ارسال السي في على ايميلي
ramayil@alrostamanigroup.ae
للعلم الراتب لهالوظيفه بيكون في حدود ال 7 الاف و طالع
والرجاء للجادين فقط ..
والسموحة