[align=center]السلام عليكم…
تكملة الصور…
الرحلة كانت رحلة عمل وترفيه بنفس الوقت لجميع موظفينا بكل الافرع حول العالم لهم ولزوجاتهم..حوالي 200 موظف من 25 جنسية.
طبعا المكان هذا بالفندق..كل ما اطوف المكان اتذكر فيلم دركولا
كانت عندنا محاضرة وفي البريك كلهم طلعوا برع ما مصدقين الدنيا مشمسة..وانا شبعان شمس!
طبعا كنا داعين المتحدث Warren Macdonald ..قصته باختصار كان مرة يتسلق جبل وهو متعلق جان يطيح وتطيح فوقه صخرة عودة وزنها اكثر من طن وتم تحتها يومين الين جاته مساعدة..طبعا قصو ريله..ولكن بسبب شجاعته وايرادته رجع نفس الجبل بعد 10 شهور واتسلق نفس الجبل لقمته! وكرر الانجازات واهما صعد اعلى جبل ومدة الرحلة كانت 18 يوم! بالاختصار اذا عندك ايرادة تقدر تنجز بغض النظر انك معاق او سليم.
وهني احد مسؤولي الشركة قام بتكريمه وقدم له هدايا تذكارية عن دبي..وتظهر صورته وهو صغير في الخلفية
وهذا موقعه الشخصي http://www.warren-macdonald.com/
احلى موقع بالفندق..وقت الريوق والغدا كنت اشل اكلي واطلع من القاعه وايلس هني! كان يسألوني ليش ما تيلس في القاعه! اقولهم حد يودر هالمنظر ويقعد في قاعه مسكره 
الساعه 6 ونص الصبح..طالعين انسوي رياضة المشي..جان اشوف منظر الجبل وانعكاس اشعة الشمس عليها..طبعا النور كان ساطع بشكل فظيع..من احلى المناظر اللي شفتها
تصوير جماعي للموظفين قبل ما نطلع رحلة الشوي BQQ ..(اللي بيطلعني وين واقف ف الصورة شو بنئلوا؟ شاطر شاطر)….طبعا انا اللي مصور الصورة..التجمع بسبب تصوير جماعي من قبل محترف وانا استغليت التجمع وصورتهم لووول 
حفلة الشوي فوق الجبل
طريج يودي للنهر..
وصلنا النهر..مصدر جريان المياه..ذوبان الثلوج من قمة الجبل..
ممشى على طول النهر من الجانبين..سبحان منظر مريح للاعصاب
على طول النهر حاطين كراسي وكل كرسي مكتوب عليه شي
فوق الجسر..
الى وسط المدينة..Down Town
حفل رسمي..عشا..طبعا لازم بدل
وهذي بدلتي ..اوني كاشخ
تكلمة بالاسفل…[/align]
الله يسلمك ابن الفرات..
الحمدلله كانت رحلة مفيدة جدا من الناحية العلمية والنفسية…واستفدت منها الكثير.
اخجلتم تواضعي بكلماتك الراقية..شرفني مرورك الكريم أخي الفاضل وأسعدني تعليقك الجميل.
شكرا لك ابن الفرات
الحمد لله على السلامه
وان شاء الله تكون استمتعت برحلتك العملية والترفيهيه
مبروك مجال عملك
وان شاء الله تكون مرتاح فيه
الصور جميله
الطبيعه رائعه
ذوقك رفيع
واكيد لم تفتك الأستمتاع
بالماء
منبعها وجدولها و بحيرتها
الخضرة
خضرة الوادي والجبل و السفح
وقصة المغامر
عنوانها
النجاح
صورة جميله
حمدالله عالسلامه
والصور في غاية الروعه
^_^
ومشكور على الصور بصراحة في قمة الروعه
وهني صور اخر يوم لي بكندا قبل لا ارجع..طلعنا جولة ع الجبال..
وهني منظر الفندق من اعلى الجبل من الجهة الثانية…واترك التعليق لكم!
على طرف البحيرة..
البحيرة هذي تتجمد بالكامل في فترة الشتاء..ويلعبون عليها هوكي وهوايات ثلجية اخرى..
وهني فوق الجبل..منظر Down Town من فوق..
صورة من المطار..
قبل ما تطير الطيارة..مدينة Calgary
آآآآآآآآخر صورة في الطيارة…حان وقت الاسترخاء..والاستمتاع بمشاهدة القنوات الترفيهية
الحمدلله وصلت البلاد بالسلامة..واستلمت الشنط بعد يومين! بفضل الاجراءات الغبية بمطار هيثروا..
ان شاء نالت الصور اعجابكم ورضاءكم..