الي جرب الايلس يحدر

15 thoughts on “الي جرب الايلس يحدر”

1. السلام عليكم
   بالنسبه لليسننغ حاولي اتركزين على اول فقرتين الفقره الثالثه لاتركزين فيها الكل بينجح بها الطريقه لأنه مهما حاولتي اتركزين بالفقر الأخيره النتيجه وحده ياأجابه صحيحه وحده ياكلها غلط لأنه اللهجه استراليه … وبالفقرتين الأولى والثانيه اقري الأجوبه وحطي تحت كل كلمة رئيسيه خط لأنه نفس الكلمه راح تسمعيها
   الرايتينغ في فقرتين : الفقره الأولى عن رسم بياني وتشرحين عليه والفقره الثانيه كتابه عن موضوع اذا التقديم اكادمك او رساله اذا كان جنرال
   الريدنغ اقري الأسئله اول وحطي خطوط تحت الكلمات الرئيسيه (نفس الليسننغ ) ولاتقرين نهائي نهائي نهائي الفقرات الثلاثه لأنه مضيعة وقت , وحاولي تقرين السؤال الأول وأجابته بالفقره الأولى والسؤال الثاني ياأما موجود بالفقره الأولى او الي بعدها وهكذا الأسئله مرتبه على اساس ترتيب القطع
   ونصيحة مجرب اول شي تشوفين بس مواضيع البارجرافات والي اتحسين انه سهل اقريه يعني مثلاً كانت المواضيع :
   1-الأسره , 2-الجامعات , 3-العولمه ………… اختاري اول بارجرافين لأنه مواضيعها سهله وركزي عليها واذا كان في وقت خلصي الأخيره وهكذا ….
   السبيكنج اهم شي متكون الي بتختبرك وحده هنديه اذا امتحنتك الله يعينك اما اذا كانت برطانيه او جنسيه اجنبيه ثانيه راح اتساعدك حتى لو كان عندك اخطاء
   وأي شي انا جاهز

   وأهم شي لاتعتمدين على المعاهد مثل المعهد البرطاني لأنه المعاهد بيشرحون الأنجليزي بشكل عام اهم شي بلأيلتس تدربين على اكثر من امتحان

2. الايلس مافيه درجة نجاح او رسوب..مثلا امتحان البت اللي يكون فيه درجه نجاح ورسوب..وتكون درجة النجاح من 70 % ولازم تنجحين بكل المهارات

   عكس عن امتحان الايلس..يعني امتحان الايلس عادي ال Speaking تييبين فيه درجه حلوه وترفع المعدل ب اخر شي..انا عن نفسي اشوف امتحان البت افضل من الايلس بما انه ماتنتهي صلاحية الشهادة بعد سنتين..تكون معاج طول العمر..والحلو انه ال ليسينج ينعاد مرتين مو نفس الايلس مره ..
   الايلس بالمحادثة طبعا لازم تتكلمين عن نفسج وبعدين يدخلج في مواضيع مثل السكان او التلوث او الازدحام وتكوني طبعا بروحج , اما البت ف يكون معاج حد وتكونوا انتو الاثنين تتحاورون مع بعض وفي بعد قطعه انه يراوونج صوره شي وانتي لازم تتكلمين عن الصوره مثلا كم شخص بالصوره وشو لابس يعني تشرحين شو تشوفين..بتحصلين بالقوقل نماذج ودام انه انتي تروحين معهد ف من الاحسن انه تاخذين النماذج من الاستاذ وخليه يشرح لج كيف تبدين حل ال Reading

3. انا خذته الحمد لله كااان واايد سهل

   بس مثل ما قال اخوية ملون .. الريدينق كان زفت الحمد لله ..

   يعني كان في فقرات ما يخصها فالاسئلة ..

   والليسننغ اهم شي تركزين على الرمسة اول باول .. اول شي عاادي بس على اخر شي يصعبونه حبتين

   احلى شي السبيكننج تضمنين عليه قرايدز اوكيه

   بحكم دراستنا خذته فالجامعة وخذت عليه كورس تدريب .. والحمد لله يبت 5 ^_^

   اهم شي تدريبن على الليسننغ والريدينغ

   والله يوفقج ان شاء الله ..

   لا تخاافين ترى واايد سهل صدقيني .. حطي فبالج هالشي

4. انا داشه المعهد ودرس مدري يمكن لاني تركت الدراسه كم سنه ورجعت

   بس سوالي لاخواني الحين انا لو نزلت درجتي بواحد من الفروع هل تغطي الدرجه الي ناجحه فيها ولا ك واحد بروحه

5. أنا جربته و امتحنت الأيلس ولا تدربت ولا سويت اي شي على طول دخلت الأمتحان ..

   بصراحه الكل كان يتشكى من الوقت ألا أنا مخلص قبل الوقت بمده طويله ..!!

   أنا حسيته وايد سهل ..

   بالنسبه لي أصعب شي كان الريدينق .. لأن الأجوبه ما تكون موجوده بل أستنتاجيه و الفقرات تكون طويله شوي

   الحمدلله الباند اللي جبته طيب و ما كنت متوقعه

   نصيحتي أدخلي معهد و خذي تدريب لأن الأيلس يباله تكنيك معين .. أنا مشيت فيه لأن أنقليزيتي زوينه ..

   موفقه خير

Comments are closed.