شباب المنتدى الكريم …
هناك أمور عديدة يمكن عملها بعد شراء سيارة جديدة وأنا لقلة خبرتي بها أحببت أن استعين بالله ثم بكم …وإن شاء الله إنكم ما تخيبون ظني وتشاركونا بخبراتكم وشوركم الطيب
شريت سيارة فورويل جديدة … وأنا من النوع اللي ما أودي السيارة إلا الوكالة أو الغسيل … ما أعرف أمور ضد الصدأ والتنجيد وغيرها …
… عندي كم سؤال وأحببت أن أتشرف بإجاباتكم إن استطعتم:
1- ضد الصدأ: سيارتي بتوصل من بهوان الأسبوع الياي … شو سالفة مادة ضد الصدأ ؟ وهل هناك أنواع ؟ وين أسويها ؟ في الوكالة أو تنصحون بمكان معين ؟ طبعاً بوظبي فقط …
2- بلاستيك الأرضية: شفت بعض الشباب حاطين بلاستيك شفاف على الأرضية في الدبة وعند الكراسي الكراسي الخلفية ؟ شو أفضل محل يسوي هالشغلات ؟ الشباب نصحوني بمحل المرزوقي ببوظبي ؟ شو رايكم ؟
3- كراسي السيارة: شباب شو أفضل طريقة للحفاظ على جلد السيارة ؟ اقصد إني شفت بعض الربع حاطين غطاء …. شمع أو قماش أو جلد بس طبعاً موب أصلي أو غيره .. شو رايكم وهل هناك محل تنصحون فيه حق هالشغلات
4 – مخفي السيارة : ما أعرف إلا لمسات وما جربته .. شو شوركم في العازل الحراري للسيارة و شو أفضل نوع وأفضل محل يسوي مخفي وهل يوجد ضمانات ؟
5- الخطوط وصبغ السيارة: أنا أداوم في منطقة نائية وعن الخطوط لا تتخبر … شو أفضل حل للحفاظ على صبغ السيارة إذا كنت أضرب خطوط يومياً أو أسبوعياً ….
أشكر لكم تعاونكم وإن شاء الله تعم الفايدة للجميع …. و إذا عندكم خلفية عن الأسعار يا ليت تخبرونا ترى الدفعة الأولى فضت جيوبنا … 
… لكزس فورويل
السلام عليكم ،، مبروك عليك السياره الله يعطيك خيراها ويكفيك شرها،،،
أخوي بالنسبه للماده المضاده للصدى أنا أستخدم زبرت لمحل تابع للجلاف في المصفح بس يحتاي موعد وتاخذ عندهم كم يوم لين تجهز ، بس عيبه الريحه اللي تطلع من الزبرت بس تروح بس تحتاج فتره ونفس الشركه عندهم ماده بوليش خاض يسمونه دايمون وانا استخدمتها لسياره كنت مطلعنها يديده قبل ما روح فيها صلاله بس والله مش عارفي في فرق أول لا بس هم يضمنون الصبغه عشر سنين بس شوي مكلف الزبرت والديمون حول 5000 لـ 6000 إذا هامنك أتصلبي -0506123342 وبحاول لك في الديسكاوند .
و بالنسبه للمخفي ما أقدر أفيدك لاني بصراحه كل يوم أغير المخفي عشان جيه ما اعرف الزين من الشين
وبالنسبة للحمايه إللي للكراسي بعد عندهم ماده شمعيه للحمايه بس ماجربتها من قبل يمكن تزلق بعد البريك
بالنسبة لتلبيس الدبه أو الأرضيه ممكن أي محل يسويلك مش لازم المرزوقي عندك محلات وايد في السلام أرخص لف وشوف الأسعار مثلا نمازي اللي في شارع الدفاع
الله يوفقك وإحنا في الخدمه
أخوي مضارب اسهم
مشكور يالحبيب والله يبارك فيك ويرزقك الجنة
…. إنت قلت زيبارد وقلت كلداري عشان الصدأ … هل هو نفس الشيء … هل كلداري يسون زيبارد … وما في مكان يسون نفس الشغل بس في بوظبي …. ما فينا عالخطوط ومخالفات دبي …
أما الكراسي … اتمنى من شباب بوظبي يشورون علينا بمحل جيد في بوظبي … مع تحياتي لأهل رأس الخيمة كلهم
أما نصيحتك للأرضية والمخفي مقدور عليها وإن شاء الله أحطها في بالي إذا بديت ….. تسلم مرة أخرى
أخي الكريم …. سواف Sawaaf
لهذا السبب طرحت الموضوع …. أنا العادة ما أسوي أي شيء من هالشغلات إلا المخفي طبعاً … وسيارتي الأولى بعتها رغم أني ما سويت أي من هالشغلات المذكورة …
وما بسوي شيء إلا وأنا متأكد منه وداير السوق كله قبل لا أسويه …. ولكن لتسهيل علي الشغل أحببت أن أعرف أفضل الحلول وأفضل المحلات الموثوقة والمجربة من قبل البعض
أشكر لك تواجدك أخي الكريم وتنمنى من الشباب يساعدونا
السلام عليكم
اول شي مبروك على السياره
وان شاء الله تشوف خيرها وتكفيك شرها
بخصوص الصدا عندك كلداري في دبي
وانصحك بالاينون تفرشه ع الارضيه
وللكراسي عندك هالقماش البيج بس توديه محل اسمه الصدف في راس الخيمه شغله صح
وبخصوص تضرب خطوط وجي مالك الا الزيبرد وتوكل على الله
واذا عن المخفي عندك في كول واثري ام شغلهم صح
وبتوفيق واسموحه هذا كارأي الشخصي
أخوي نصيحة
دامك ماتعرف حقهم لاتروح بروحك
شارع السلام او مصفح
ماييون الا بالعين الحمرا
ويوم بيشوفونك ماتعرف شي بيضربون ضربتهم