السلام عليكم و رحمة الله و بركاته

يا جماعه أنا محتار بين موترين الصراحه.

الأول،
BMW 750 موديل 2010. الموتر توّه متغيّر و مميزاته ممتااااااازه. بس اللي مب عايبني فيه سعره اللي أشوفه وااااايد و ما يستاهله. بصراحه حدّه 350-380.

الثاني،
MB S500 موديل 2010. الفيس لوك و شوية أشياء داخليه متغيّره فيه، و مادري إن كان نزل في الوكاله ولا بعده. بس أخاف آخذه و يتغيّر عقب سنه سنتين، لأنه نازل في 2006. مع إني أشوف هيبته في الشارع أكبر بوايد من الـ بي ام.

سؤالي،

بخصوص الـ بي ام،
في حد فيكم خذ الموتر و عرف سواقته في مختلف الظروف.
و حد يعرف مشاكل الـ BMW اليديد؟
و هل المواصفات في بوظبي تفرق عن الشارجه ؟
و إذا حد فيكم يقدر اييب الموتر بـ خصم، يا ريت يخبرني.

و بخصوص المرسيدس، حد يعرف متى الموتر بيتغيّر ؟

و بخصوص اللي بيقولولي “خلها تصدّي”، أقولهم تراني ترييت المواتر أكثر من سنه عسب تصدي، بس الظاهر إني أنا اللي صديت مب هن.
و لا تقولولي عن جيمة الموتر وقت البيع، لأني ناوي أستخدمه مال 8-10 سنين. يعني بطلّع جيمته، فما بتهمني جيمته وقت البيع.

9 thoughts on “Bmw 750 و Mb S500 اليداد 2010”

  1. المرسدس سعره اثبت من البي ام

    والبي ام اليديد الصراحه لاتعليق عليه طياره ماشالله مواصفات وشكل وتوه نازل يعني اقل شي يباله 5 سنين قدام واكثر لين مايتغير الشكل

    المرسدس اريح بس الشكل من 2006 وانت ماشالله علييك تباه 8 سنين

    نصيحتي خذ اللكزس سعره فيه اللاستيشن او ال460 الف اس

  2. و بخصوص اللي بيقولولي “خلها تصدّي”، أقولهم تراني ترييت المواتر أكثر من سنه عسب تصدي، بس الظاهر إني أنا اللي صديت مب هن.
    و لا تقولولي عن جيمة الموتر وقت البيع، لأني ناوي أستخدمه مال 8-10 سنين. يعني بطلّع جيمته، فما بتهمني جيمته وقت البيع. [/right]

    لووووووووول، حشا سياره استاد الجغرافيا بتستوي

    انا مع البي ام اذا تبا فخامه ورياضيه حتى الفئه السابعه سواقتها رياضيه بصراحه (عشان جيه ايبس من اللكزس)، بس والله فيها ريافه ترا

    المرسدس فخم بس بدون (رياضيه) وهذا ما يعبيه، يعتمد شو تبا انته.

    ولاتنسى عقد الصيانه والضمان اطول في البي ام. >> عشان جيه طلعت غاليه (ظايفين الصيانه والضمان عالسعر)

    بصراحه يبقى موضوع المقارنه بين خصائص السيارتين الفنيه مثار جدل مستمر >> كل حد ييبلك تكنولوجيا يديده والثاني ينافسه.

  3. اخوي خذ الـ Bmw
    انا مجربنها عند واحد من الشباب الصراحه سياره قمه في الروعه
    و مواصفات كثيره وحلوه
    بس سواقتها مب مريحه شرات اللكزس << مجرد رأي ^^

    والله يكتبلك اللي فيه الخير الغالي
    وبالتوفيق

  4. المرسدس وحش واستخدامه ماعليه كلام ..

    بس دامك بتكد الموتر 8 10 سنوات انا اقولك ال بي ام لان يعطونك سيرفس كونتركت وظمان 6 سنوات في وكالت بوظبي .. لاكن المرسدس بس 3 سنوات ..

    وانت وشورك .. والسمووحه

  5. مع اني ما جربت السيارتين اخوية

    لكن البي ام اليديد وحشششششششششششششششش

    يسدك ان الاربع تواير يلفن مع بعض

    روووح و الرب داعيلك

    و نتريا ردود الاخوان

Comments are closed.