السلام عليكم ورحمة الله وبركاته

أنقل حادثة بسيطة وأترك لكم التعليق

شخص راح يخطب وحده وهالوحدة فيها الشروط المطلوبة

وأصر الخاطب على أن يشوف خطيبته قبل ما يتخذ القرار النهائي واللي هو الشروع في الزواج

أهل البنت رفضو أنه يشوفها إلا يوم العرس

بالمقابل البنت اتداوم في مكان مختلط نوعا ما

يعني شافها هذا وشافها هذاك

أما هذا اللي داق الباب ويبا يتزوجها ما يبونه يشوفها

شو رايكم ؟؟

ياريت الموضوع ما يتخذ منحنى ثاني

وأشوف تعليق مثل : نحن ما عندنا بنات يشتغلن ويا رياييل ومن هالقلبيل..

نبا تعليق على هالعادة اللي ترفض أن يشوف الخاطب خطيبته وهي أساسا ممكن يشوفها في الدوام

29 thoughts on “عادي يشوفونها في الدوام!”

  1. فعلا فيه وايد عوايل عدنا ترفض هالشي مع انه حق شرعي

    الدين و الشرع حلل الشوفه قبل الزواج ليش العادات و التقاليد تحرم هالشي

    من حقه يشوف اذا هي تناسبه ولا لا وهي بعد لازم اتشوفه لأن هذا زواج عشرة عمر

    والرسول مدام أمر بالنظره الشرعيه فأكيد له حكمة (( انظر اليها فأنه احرى ان يؤدم بينكم ))

    يمكن اذا شافها يرتاح لها حتى لو هي عااااادية ويمكن ينفر منها حتى لو كانت جميله

    صعبة نفرض على الريال انه يعيش مع وحده وهو ما شافها الا يوم العرس !!!!!

    أنا عن نفسي اذا اتقدم لي واحد ما أرضى الا أشوفه ويشوفني ويمكن يكون جميل بس ما ارتاح له ويمكن يكون العكس
    الشوووووووووفه وايد مهمة

  2. هذه مشكلتنا نمشي الاعراف بالكثير من الامور قبل الدين

    وهذه وحده منها

    نرجع الى الموضوع ……….. بكل صراحه تخلف يعني مخلينها تشتغل وكل شي ويوم واحد يدق الباب ما يبونه يشوف البنت

    اما من الجانب الاخر ( جانب اهل البنت ) والله ترى ما هى سهله يا اخوان مع انها غير محرمه لكن سبحان الله

    العرف قبل الدين وعلى فكره هاي في كثير من البدو ليس في الخيج فحسب بل بالوطن العربي كاملا

  5. ع ــجيب !
    تداوم فمكان مختلط ويمنعون الخاطب رؤيتها
    وهي رؤيا شرع ــية من الله ..

    مشكلة الع ــرف في بعض القبائل !!

    أحياناً أحس الصورة ماتكفي لأني أؤمن أن الأرواح جنود مجندة
    ماتعارف منها ائتلف وماتناكر منها اختلف ..

    مشكورة عبق الورد

Comments are closed.