خواتي وأخواني السلام عليكم
واحد من قرايبنا يحليله مو عارف شو يسوي ويا بنته عندها مرض الصرع من عمر خمس سنوات
والحين اهي بنت 17 سنه وتعب واهو يعرضها على دكاترة البلاد بس ما منهم رجااااا وحالتها من أسوأ للسيء للأسف الشديد
من يومها واهم يجربون عليها الادويه ولا في اي نتيجه ورغم انه دكتورة دبي كتبت تقرير بوجود علاج لها في الخارج بس الهيئه رافضه علشان اتعرفون لازم واسطه ورغم محاولاته في تسفيرها
الا انها باءت بالفشل ولانه ظروفه ما تسمح بسفرها لدول الأوربيه سمعنا انه فيه علاج ب
تايلند والهند
فاللي عنده خبره او تجربه في هذا الموضوع ايخبرنا واللي ايعرف دكتور او مستشفى
معين في احد هاذيلا البلدين اكون ممتنه له
واللي ما ايعرف يرفع الموضوع بدعوه صادقه
الله يشفيها انشاء الله
واصلو مسعاكم مع الهيئه عسى الله يوفقكم وتتعالج في الخارج
وجربو الرقيه الشرعيه فلها باع طويل في علاج من هاذي الحالات
والاهم من ذلك كل الدعاء لها بالشفاء عن ظهر قلب لاسيما العشر الاواخر من رمضان شرفتنا وفيها ليلة القدر عليكم بالقيام والدعاء في الثلث الاخير من الليل
ونسأل لها الشفاء بأذن الله
وحده من الاهل نفس الموضوع من يوم هي صغيره عندها صرع و تعبووو اهلهاا في علاجهااا و بعد ما عالجوها عند هذا الدكتور اللحين الحمدلله نست شئ اسمه صرع و ادويه صرع
اذا عندكم تقارير تقدرون تطرشونهاا قبل ما تودون البنيه على الايميل و تشوفون الرد
السلام عليكم ورحمة الله وبركاته
الله يشفي بنتكم انشالله
في مره كنت اعالج في عياده في الشارجه
وكنت اسال الدكتور عن الحالات اللي عالجه
وقالي انه جايب جهاز صغير من روسيا
ونجح هالجهاز في علاج حاله صرع
ما اقدر ااكد هالكلام بس حبيت اوصل هالمعلومه
والعياده في الشارجه على البحيره
عياده الرافدين
اعتقد اسم الدكتور نجم
وهو كبير في السن
والسموحه
الله يشفيها يارب العالمين
وان شاء الله تحصل حد يعرف العلاج
للرفع