>>>> اوتو تريدر صادقين؟؟؟؟

16 thoughts on “>>>> اوتو تريدر صادقين؟؟؟؟”

1. الله يا إخوي أنا أشوف الناس هذي ما تريد تبيع بالعكس يطلب سعر غالي إذا جابت كان بها إذا ما جابت تراه يستخدمها وفي بعض الناس والله محتاجه فلوس وتريد تبيع بالسعر المعقول وتحصل الشراي يبخس في السلعه لين ما يعقها تحت

   بالضبط ..
   و بعد الواحد ما يبا يخسر في سيارته عشان سواد عيون اللي بيشتري ..!
   و السالفة مب سالفة الطمع .. السالفة سالفة تجارة و شطارة .. و اللي يبا يربح لازم يتبع هالاسلوب !
   و بعدين في ناس ينزلون السعر بطريقة مب معقولة ابدا ..!

   __________________

2. انا ساعات اقراها عشان اطمش عالمعارض واساليب اللف والدوران فالدعايه.

   يعني تحصل سياره وارد امريكا ماشيه 50 الف كيلو, تتصل عليه وتسأله يطلع 50 الف ميل ويقولك خطأ مطبعي. حد يفكر هالشي سطحي وبسيط بس في بلاد ثانيه يعتبر تظليل.

   وبعد, يحطلك اعلان مرسدس اس 500:-
   نوافذ اتماتيكيه (يعني اس500 رقم ثلاثه درايش هندل !!),
   شاشه وتلفزيون وراديو!! (بدون تعليق)
   قير تماتيك (يعني بالله عليك متى اخر مره شفت مرسدس قير عادي)؟؟؟

   وساعات اقرقع المعارض بسؤال ما لقيتله جواب من 5 سنوات (ليش ما تحطون الاسعار في الدعايه؟؟) ولين الحين مالقيت جواب. بس اعتقد لانهم يبون الاسعار اتم فوق.

   عموما ماعتقد ان مصداقيتها قويه, ولا جان لقيت المجله هي تفرض تنظيم على عرض السيايير مب كل حد يكتب الي يباه, ويوم تروح للسياره تطلع (خرطي).

3. ياريال ماعليك من اسعارهم . واحد من المعارض كان يعرض مواتره فالمجله كل اسبوع ينقص شوي , تخيلو جيب اس ار تي عرضه ب220 وعقب اسبوعين سبحان الله ستوا ب200 ولا فتك مديل 2005 ب99 عقب نزل لين 90

   الشرهه مب عليهم على الي يشتري من عندهم

4. الله يا إخوي أنا أشوف الناس هذي ما تريد تبيع بالعكس يطلب سعر غالي إذا جابت كان بها إذا ما جابت تراه يستخدمها وفي بعض الناس والله محتاجه فلوس وتريد تبيع بالسعر المعقول وتحصل الشراي يبخس في السلعه لين ما يعقها تحت

5. مش بس هالمجلة ..
   حتى بعض الشباب هني يطلبون اسعار خيالية و يوم حد يقولهم سعرك غالي ولا يعطيه سعر
   يعصب و يقول رمسه مالها داعي ..

   و ارد اقول البعض و مش الكل .. يكفي الوكالات و المعارض كاسرين الظهر ,,

   و في الاول و الاخير من(( طمع طبع )) و بتم طايحه في جبده سيارته اللي
   طالب فيها 20 الف فوق سعرها الاصلي من سعر سوق السيارات المستعملة

   و دمتم بود

   ملاحظة : كلامي يخص ناس معينين مش الكل =)

Comments are closed.