قصيدة إهداء من الشيخ ناصر بن حمد آل خليفة لزوجته الشيخه
شيخه بنت محمد بن راشد آل مكتوم
لا من ذكرتك يفزّ الشعر والقلب هاض ..
وآجر فيك القصايد وأحكم أوزانها …
لعيون من خلّت الدنيا بياض إفـ بياض …
بنت ٍ تقول الحسن والزين .. عنوانها …
ما هي من أهل الكويت ولا من أهل الرياض …
السر مكتوم .. في قلبي .. على شانها …
قلب ٍ كتم حبّها لين الهوى منه فاض …
وبين الحنايا جداولها ووديانها …
يا مهرة الواقع اللي ما لمسه افتراض …
يا سيرة الحب يا دنياي وأركانها ….
موت ٍ لقيته بعينك وانت عينك حياض …
كن المنايا وسهم العشق باحضانها …
برق ٍ لمع في خدودك يوم شفته وناض ..
كنّه يصوّر حياتي لحظة إيمانها …
بإنك جميل وجمالك ما عليه اعتراض …
وإن القصايد بوصفك يعجز لسانها …
الله يسعدهم ويبارك لهم ويهنيهم
موفق بإذن الله … لك مني أجمل تحية .
الله يوفقهم ويسعدهم ويجمع بينهم بالموده والرحمه ويرزقهم بالذرية الصالحة
الله يسعدهم ان شاء الله
وعقبالنا يارب
السلام عليكم ورحمة الله وبركاته
الله يسعدهم بزواجهم
وشكرا ديره وتصميمج حلو ،،،،
اللهم آآآمين الله يسعدهم ويهنيهم يا رب