أخواني إشحالكم عساكم بخير ،،،،
أدري موضوعي غريب ولكن بصراحه الحاجه والرغبه لا تبخلان اني اطرح موضوعي لكم وعلو عسا ألاقي الحل والاقي إلي بخاطري منكم إن شاء الله ….
أخواني أنا أبي آخذ نيسان فتك من أي موديل مابين 2005 إلى 2009
وبأي سعر كان ولكن !!! بأقساط ما بين المشتري والبائع دون بنوك وغيرها !!!
لأني بصراحه حاولت وكذا ما طاعوا يمولون لي البنك لان بتكون علي المستقطعات الشهرية فوق الـ60% لأن عندي قسط سيارة للأهل وقسط للبيت إلي أسكن فيه ….
لذا قلت بطرح موضوعي علو عسا ألاقي حد منكم خواني عنده سياره وناوي يقسطها عليه ويكون التفاهم بينا نحن الأثنين …
وإذا عن مبلغ القسط الشهري صدقوني أنا مستعد أدفع إذا كان القسط الشهري 3000 درهم أنا بدفع فوقهم 500درهم للبائع وهذا لمدة سنة كامله حتى أرتب أموري مع الإلتزامات إلي عليه وعقبها راح أدفع للبائع كامل المبلغ المستحق للسيارة ….
وطبعا الموافقه تكون بين الطرفين مع شهود وشيكات ضمان كحق شخصي للبائع والمشتري …
وجزاكم الله خير ،،، وعاد ساعدوني في إيجاد حد من الأخوان الطيبين إلي حاب يبيع ويقسط لي السياره بشرط نيسان فتك !!!!!
موفق بإذن الله … لك مني أجمل تحية .
بالتوفيق ان شاءالله … الله يعطيك على قد نيتك اخوي …
بس نصيحه ياخوي … لو عندك التزامات لا تبلش نفسك في الدين زود ماعليك التزامات …
والسموحه منك ….
والله يوفقك مره ثانيه ان شاءالله
هلا الغالي ،،،
أقصد إن لو حصل نصيب في سيارتك وكتب لنا الله النصيب فيها راح آخذها منك بتكملت الأقساط بيني وبينك !!!
المثال الأول :-
يعني لو سيارتك مش مرهونه أنا باخذها عنك وإذا بتوافق إني أقسط لك المبلغ شهريا مثلا انت قتلي قيمة السيارة 100.000درهم وتبي شهريا مبلغ 3500درهم انا بعطيك شيكات شهرية بمبلغ القسط واسددهم لك دون بنك وغيره لاني البنك الي انا فيه ما يوافقون على تمويل سيارة لاني علي التزامات ثانية …
المثال الثاني :-
إذا كانت سيارتك مرهونه على بنك وانت تدفع شهريا كذا مبلغ ، تكون السياره بإسمك وانا بسددلك مبلغ القسط او آخ رقم حساب المرابحه وأدخلهم فالحساب وطبعا هالشيء كله بضمان حق وتكون بأوراق انا اكتبلك فيها اني بتعهدلك اني اسدد المبلغ كامل بأقساط شهريا ومقابل شهود على ذلك وطبعا هذا لمدة سنة فقط هذا والله يوفقنا جميعا” إن شاء الله ويرزقنا الخير ويبعد عنا الدين والهم والشر قولوا آآآمين …
__________________
السلام عليكم ورحمة الله وبركاته
اخويه كيف ترتيبك في الشراء
يعني لو بغيت ابيعلك نيساني بتسددلي باقساط واتنازل عنه ؟؟
موفق اخوي .. واذا حصلت لك موتر ما بقصر والله..
انشالله تعتدل اموورك ..~.^