ابي احط برميل مندي بالبيت ,,, اقتراحاتكم تهمني ..

5 thoughts on “ابي احط برميل مندي بالبيت ,,, اقتراحاتكم تهمني ..”

2. اخوي انته تبا برميل مندي ولا تبا تسوي حفرة مندي في البيت ؟

   في براميل على الغاز وفي براميل فيها فتحت على يمب تحت تدخل الحطب فيها وفي براميل من الفخار

   تعرف ان موضوعك هذه ذكرني بلوالد رحمه الله

   المهم هذه صور لبعض المنتجات التي تختص بلمندي

   براميل المندى بمختلف الاحجام والانواع فخار او طين
   

   

   هذه الصور اعلاه من موقع سعودي

   أول مادخلت الأستراحه إلا والقى الذيب شاب الضو <— يعني الحطب

   وانا الي اصوره وهو مايدري

   

   وهذي صوره من فوق حفره المندي وعليان يقلب الحطب

   

3. السلام عليكم

   اخوي خذ لك درام حديد الحجم اللي تريدة قصة من فوق فصل لة غطا يكون مسكر عدل

   او دور لك في الصناعية نفس هذا الدرام يكون معاة غطا وسيل يسكرة عدل

   اهم شي يكون الدرام مسكر عدل عشان اذا دخل هوا يحترق اللحم

   

   الزيوت اللي داخل الدرام عادي

   عقب ماتحفر لة حفرة سنعة عقة داخل وري فية الضو عشان يحرق كل الزيوت اللي فية

   عقب ظهر الفحم كلة عشان اتحط سمر يديد

   الشبك خذة من ايس هارد وير اللي يم تويز ار اس في بوظبي

   اول ماتدخل على الرف الايمن اول شي عندهم شبوك مدورة ستيل 100% وقياسات مختلفة

   البهار خذ لك بهار اسمة البهارات السبعة وايد حلة زيد وايد لانة اللحم يعرق ومايتم فية شي من البزار

   واي شي تباة انا حاضر مع تحيات سعيد عرفات (صاحب مطعم عرفات) لوووووووووووووول

4. سبحان الله

   فالويكند سوينا واحد انا وعمي .. سويناه في صناعية بدع زايد ههههه

   كلفنا شي بسيط لأن البرميل يبناه من المزرعة وقصيناه وعلقناله حدايد داخل عشان تمسك الشبك خخخخخخخ

   بس التجربة طلعت فاشله بعدها لسببين

   1- البهارات ماكنت مظبوطه
   2- الخشب كان غش هب سمر أصلي … <<< يعني غشيم

   ههههههههه

   بالتوفيج

5. برمس عن البرميل إلي عدنا في البيت شوف أنا أخوي إشترى البرميل من السعودية تحديداً الإحساء وبسعر ما يتجاوز 150 درهم وبعجلات تودينه وين ما تبا، وسمعت والله أعلم إنهم يبيعون شراتهن في بني ياس، وترى الشبوك الحديد مالت اللحم مارح تصدي دامك مهتم فيهن، ترى في ناس إذا علقوا اللحم خلاف شلوه ما يغسلون الشبوك يهملونهن ويوم يحطون مرة ثانية يغسلوهن وهذا غلط لازم الشبك أول بأول ينغسل، وحياك

   تحياتي

Comments are closed.