باثفندر 2006 موب فل ابوشن الا افلل عن الاوبشن ( صور)

السلام عليكم و رحمه الله ..

عندي باثفندر 2006 شارنها شهر 8 2006 و مركب عليها الأشياء التاليه:

1- رنجات 20 ماركه ماك ( اصليات ) مع الفاتوره
2- طبعا رنجات و تواير الوكاله موجودات
3- تواير كونتينتال يداد ( من شهرين تقريبا ) مع الضمان سنه
4- ليتات زينون
5- لمبات الوكاله موجوده طبعا
6- بلوتوث
7- شبك امامي كروم قطعتين مثل اللي يبيعهن الكابري .. بس انا شارنهن من امريكا
8- تلفزيون و ديفيدي خلفي حق الصغاريه
9-باور سبلاي ( يعني محول كهرباء ) تقدر اتشغل بلي ستيشن منه و على الشاشه الخلفيه و تقدر اتشغل لابتوب
10- الدرامات مصبوغات حمر .. طبعا مب الأحمر الفاقع .. الأحمر السبورتي … اونه!!
11- جهاز كمبيوتر + نافيقيشن+ ديفيدي + كاميرا خلفيه ( رؤيه ليليه )

– و حاطلها بطاقه سالك ههههه ما استخدمتها من ركبتها

و مواصفات الجهاز كالتالي:

1- ديفيدي
2- راديو
3- كميوتر مصغر تقدر تشغل و تكتب و تعدل ملفات ورد و باور بوينت و اكسل
4- كاميرا رؤيه ليليه للرجوع الخلفي (( فالنهار ملونه و فاليل فالأماكن اللي ما فيها ليتات تلقاها ابيض و اسود يعني بتشوف كل شي ))
5- الجهاز يحتوي على ميوري كارد حجمها 1 غيغا + ذاكره داخليه حول ال 200 ميقا .. يعني اغاني ما اغاني تقدر اتخزنهن داخل الجهاز و اتفك عمرك من صدعه السيديات
6- و اخيرا و ليس اخر فيها نافيقيشن للخليج كامل ناطق و عليه برنامج روت 66 الإصدار الثاني لسنه 2006
7- طبعا الجهاز كله تتش و فيه قلم شرات الآي ميت

و ايضا تقدر مثلا اشتغل اغاني و النافيقيشن فنفس الوقت او اي شيئين مع بعض.

و مركب عليها مخفي من ماجك تتش ..

يالله نبدى فالصور!!

بسم الله ..

من الينب

من جدااام

على عرض

جهاز النافيقيشن

صوره خريطه الخليج كامل

الكمبيوتر

الصورة اللي تطلع من الكاميرا عند الرجوع و طبعا مع الخطوط الخضر و الصفر و الحمر اللي تقدر المسافه بينك و بين اللي وراك و طبعا حتى عند وصل الشي للون الأحمر هنالك تفرقه تأمينيه بمقدار 20 سم

صوره الكاميرا فالبدي مال السياره

و صوره من عرض النافيقيشن

صوره الرنق و طبعا اتشوفون الدرام مصبوغ باللون الأحمر

صورة التلفزيون الخلفي

و هنا اتشوفون ان نفس الجهاز فيه ديفيدي … و طبعا ينلف 30 درجه يمين و يسار

و عشان اكون صريح وياكم السياره فيها كم من شحفه .. يعني خلوني احسب امممم … 1 -2-3 هييه 3 شحفات .. و الله ما يخصني فيهن بس ذنبي لأني اداوم فبوظبي وطبعا ابركن فبوظبي اي واحد يبركن عدالي لازم ايحط توقيعه .. بس الشحفات مب فالبدي بس صبغ و طبعا كلكم عارفين اذا صبغت السياره هاي 10 الاف طاحن من جيمتها
و اسمحولنا على الإطاله ..