اليوم الله يسلمكم
يوووونا مال الايزو يقيمون شغلنا ويشوفون النظام اللي نحن ماشين عليه
مروا على موظف موظف
اول ما بدوا في الادارة (نحن)
طبوا علينا فجأة وخششنا الأكل اللي يايبينه من البيت
واستلمونا سين وجين ونحن نجاوب بضمير ووايد واثقين من أعمارنا 
وحسينا من ردت فعلها انها وايد استانست على نظامنا
وقالت ان شغلنا دقيق ومنظم أكثر 
وقارنت بينا وبين الاماكن الثانية
وقارنت بينا وبين الاماكن الثانية حست بفرق كبير وقالت بنييب الموظفات من الامارات الثانية يدربون عندكم
نحن استانسا وقلنا خلاص ضمنا الايزو ومن الفرحة طلعنا الاكل وعطيناها تاكل
حتى أكلنا يستاهل الجائزة صحي ومغدي 100%
المهم شو صار بعدين
سرت أصلي الظهر ويوم رجعت أشوف الادارة زعلانين ومنجلبين عليه سألتهم شو السالفة
قالولي ما خذنا الايزو والسبب انتي؟
والا اسمع صوت المدير ينابح فلانة فلانة وسرت له وأنا زيغااااااااااااااانه
وأقول في خاطري بيهزئني تهزئ مال سنة في يوم وااحد
دخلت عليه وكان واحد مال الايزو عنده ومبرطمين 
قال: شو اللي عملتيه وخبصتيه
قلت: خير دكتور شو سويت خبرني أنا شرحت لها شغلي كامل وبالتفصيل وحسيت انها راضية من شغلي وكان عندها استفسار وانا وضحت لها أسبابي وهي عيبها
قالي : برافوووووو عليك انتي أصلا بيضتي الويه
وتموا يضحكون
وتموا يضحكون
وطلع
مقلب
متفقين عليه المدير والادارة ومال الايزو
السلام عليكم ورحمة الله وبركاته . .
ملقب ولا أروع . .
خخخخخخخ
لعوززوج شووي بس . .
وتعيشي وتاكلي غيرها خخخخ
.
شكرا على طرح الموقف
.
بن سعيد
.
هيه ندري بس ما اتوقعنا انهم بيون اليوم فيه حد يدري وفيه حد ما يدري
وانا صدقت وزعلت قلت حرااام خربت عليهم ما اتوقعت ان المدير يشترك وياهم في المقلب
عفوا إختي على المداخله.
اللي أعرفه إن موظفين الآيزو ما يطبون على المكاتب.
بالعكس، الواحد منهم يوم يبا يزوركم، لازم يخبركم قبلها بمده.
.
قلبي عورني أختي عود
غمضتيني وآخرتها طلع مقلب
ههههههههههه
تعيشين وتاكلين غيرها