مالفرق بين الشفت الطويل والقصير ^^

11 thoughts on “مالفرق بين الشفت الطويل والقصير ^^”

1. السلام عليكم
   اخواني الافاضل
   كلام الشباب كله طيب الله يعطيهم العافيه بس فيه شغله مهمه نسوها الا وهي
   الشفت القصير للطراريد اللي واقفه بالنوادي يتلف الجيكات لانه يكون بالبحر مما يسبب تلف للجيك على المدي الطويل والشفت الطويل يكون حدالماي من تحت الجيك
   وشكرا

2. السلام عليكم أخوي

   ما شي فرق بين الشفت الطويل و القصير

   إنت تقيس ارتفاع الرقعه من النص إذا كانت أقل من 16 و نص إنش
   تقدر تركب شفت قصير و إذا كانت أكبر لازم تركب شفت طويل

   هذا اللي تعلمته من وكيل الياماها و ما أدري عن المكاين الأخرى

   و بالفعل أنا جربت هالشي كان عندي طراد الرقعه صغيره و ركبت
   مكينتين شفت طويل و كانو يسوون رش على بعض فإطريت إني
   أرفعهم شوي لفوق

3. حسب تجربتي ان الطويل احسن والفرق كبير اولا ان يكون الترم مايوصل الماي لأن بتكون الرقعه مرتفعه و الشافت القصير دائما يكون التريم في الماي وهذا على يقلل عمر التريم ويزيد الأعطال فيه وثاني شي ان في الريوس مايصعد الماي للطراد اما القصير رقعته بتكون نازله فبسهوله يصعد الماي
   وهذا نصيحه ان الطويل احسن

4. ماشالله الغدير بالصور ومب مقصر وماعليه زود ،، أخوي أطوال الشفوت على حسب إرتفاع رقعة الطراد وإحتياجك لو كنت راعي خيران ورقوق يفضل الشفت القصير ولو كنت راعي خور وروحاتك للبحر الغزير يفضل الشفت الطويل هذا غير أنه الشفت الطويل أفضل للخور وخصوصاً في الموي إذا كنت راعي هيال وقراقير ،وهو أيضا أفضل للقوارب اللي تحمل أوزان أو القوارب الثقيله

5. خوي الفرق هو أن المسافة بين المحرك و ناقل الحركة ( الجير) تختلف بين الشفت القصير و الطويل و ليس هناك إختلاف في قوة المحرك و المواصفات الفنية الأخرى. و مع أن الكثير يعتقد أن الشفت الطويل أفضل إلا إنني أختلف معهم و المهم أن القياس (طول الشفت) يكون على حسب قياس القارب (القاعدة) و إن شاء الله الصورة توضح المعنى أكثر و لا تتردد او بغيت توضيح أكثر
   و إن شاء الله الإخوان يفيدونك أكثر
   و تحياتي لك

   

Comments are closed.