بسم الله الرحمن الرحيم
السلام عليكم ورحمة الله وبركاته
اشحالكم جماعة الخير ان شاء الله مرتاحين
لو سمحتوا يا إخوان حاب تقييم لسيارة 2003 BMW 730Li
شو العيوب ؟ هل صحيح ان السيارة تتعطل وايد ؟ هل تصليح البي ام أغلى عن تصليح المرسيدس
730Li ست سلندر .. أو أفضل شراء 745Li ثمان سلندر
شو عن صرفية البترول ؟
شو المحاسن وشو السلبيات
وكم تقريبا يسوى الموتر ؟
وفي حد عنده هالموتر يكون نظيف لأستخدام عائلي يعني مب موتر كل يوم والثاني بالتصليح
أنا قريت أن اللي عنده بي ام .. السيارة تكون بالتصليح أكثر من انها تكون باستخدام الشخص
أحب آخذ آراء الخبراء والمجربين أيظا
ويزاكم الله خير وفي ميزان حسناتكم وشكراااا
مشكورين إخواني على الردود
بس ياليت ألحين حد يحصل لنا الموتر بالسعر هذا ويكون نظيف
هلا اخوي مشاري
كيف المقاعد تختلف ؟
وكيف من ال2005 ؟
أنا شايف اعلان بهالمنتدى من زمان عن سيارة 730 2003
وهذا الرابط ؟
كيف الستة سلندر بس من 2005 وفوق ؟
لو سمحت التوضيح
ومشكور يا خوي
وشكرا الجميع على تفاعلكم .. ممكن حد يحصل السيارة بأقرب وقت وشكراااا
سعارها حاليا ال2003 بحدود ال45 الى 50
اعطالها صح اكثر عن المرسدس بس قطع الغيار ماشي فرق بينهم لانهم منتشرين نفس الانتشار في البلاد وفي المانيا حتى
السياره مريحه جدا وفخمه بس عليك بالصيانه الشهريه ومابتكلفك شي وبتمشي وياك عسل بدون اي خرابات
السته اعطاله اقل
وللعلم ال730 نزل من 2005وفوق
والسياره جميله وعمليه اذا كان صاحبها محافظ عليها
وابتعد عن الثمانيه صحيح المقاعد تختلف لكنه يخوف صراحه
موفق
مشكور اخويه على الرد
يعني هل لك تجربة مع البي ام دبليو الفئة السابعة ؟
وهل صحيح ان الموتر يتعطل وااايد ؟
بصراحه انا ماجربت البي ام
بس الستة سلندر ارخص عن الثمانية سلندر ..
والثمانية احسن من حيث المواصفات وبالخط بعد احسن بوايد
السته سلندر اعطالها اقل عن الثمانية
ولكن الثمانية اشخص
عن الاعطاااااااااال بصراحه ماعرف شو اقوولك ..
لانه الموديل طاف عليه 7 سنوات … يعني نادر اتحصل نظيف ا
عن الاسعار بحدود 70 ألف تقريباً 8 سلندر او اكثر شوية
والستة اكيد ارخص …
وعلى حسب المكان اللي بتاخذ منه المووتر