شو رايكم براس الخيمه

40 thoughts on “شو رايكم براس الخيمه”

1. انا اشوف انه ترتيب الامارات الاكثر تطورا
   والتطور الملاحظ والسريع الحينه بها الشكل
   1- دبي
   2- ابوظبي
   3- الشارقة
   4- راس الخيمه
   5- عجمان
   6- الفجيره
   7- ام القيوين

   مع انه ام القيوين رحت لها من فتره وما شفت شي فيها
   بس يمكن يصير شي بالقريب العاجل
   وحاليا يمكن الاربعه اللي اهم دبي وبوظبي والشارقة وراس الخيمه
   اهم الاكثر فعاليه ونشاط
   وهم اللي تسمع عن تطوراتهم وتشوفها بعد فتره
   اما باقي الامارات
   ما سمعت عن شي فيها او شي يطور او يتحدث بها

   ياريت تحطون لنا بعض المشاريع او التطورات اللي تحدث بالامارات بالدوله
   حتى نعرف شو اخر التطورات والتحديثات بكل اماراه

2. سويسرا الشرق: راس الخيمة عندها منطقة حرة وهي الحين تروج لهالمنطقة وتعطي المستثمرين تاشيرات ببلاش عشان اتشجعهم على الاستثمار في راس الخيمة

   صحيح الشيخ سعود نظرته غير للامور ويحب يطور والدليل انه زار دبي والتقى المسؤولين اول ما صار ولي العهد عشان يطور من راس الخيمة
   انا متفائلة بشان مستقبل راس الخيمة ومستقبل دولتي الامارات ككل

   ولا تنسى اخي الكريم الفجيرة بعدها عندهم مشروع كبير بمشاركة حكومة بوظبي والفجيرة واجانب

   وبقت الامارة المنسية ام القيوين

   وعيمان اشوفها تتطور

   وبوظبي اخيرا بيصير عندهم دائرة سياحية

   تحياتي

3. لاتنسين اختي الميناء ومركز الحاويات اللي بتديره شركة كويتيه على ما اعتقد
   وانا ابصراحه شفت وقابلة الشيخ سعود والشيخ محمد بن سعود
   وانا متفائل انه بالسنوات القادمه راح تتغير راس الخيمه تغير جذري
   لانه نظرت الشيخ سعود نظره بعيدة المدى وله رئيه واضحه
   ويكفي اختلاطه بالناس ومعرفة همومهم على ما اعتقد هو هذا الدافع اللي خلاه يبدا بمشاريع قويه
   ولو انفتح ميناء راس الخيمه نفس ميناء جبل علي وصار عندهم منطقة حره راح تطور اكثر واكثر وبسرعه
   واللي يبي يلحق وعنده فلوس ويقدر ينتظر لـ 5 سنوات على الاقل يشتريله عقارات لانه بنتظرتي بانه بتكون لها مستقبل

4. سويسرا الشرق: انت قلت هالكلام لانك قريت عن المشاريع الخمسة اللي راح تقام في راس الخيمة بقيمة 6 مليارات درهم وهي عبارة عن منتجعات سياحية اي مشروع استثماري
   انا ايضا متفائلة بشان مستقبل راس الخيمة في ظل ولي العهد الجديد لانه نظرته غير للامور و ان شاء الله يغير من الاماراة للاحسن وخاصة انها تملك طبيعة جميلة

   تحياتي

5. بدت بوادر الانفتاح الاقتصادي واضحه في راس الخيمة من خلال تشجيع الاستثمار و تذليل العقبات امام الاستثمارات الاجنبية ومنح التسهيلات للمستثمرين
   أتوقع ان راس الخيمة بيكوون لها صداها على الخريطة الاقتصادية في القريب العاجل

Comments are closed.