ابا اعرف ليش الدولة ما تسوي مكتب لزواج المواطنين ويكون هالمكتب متابعتنه وزارة الداخليه ويشتغلون فيه ناس تخاف الله ومن الامن عشان ما تستوي فيه لعبة
اكيد هالمكتب بيحل مشاكل العنوسه وايد وبيكون له نتائج ايجابيه والله اعرف شباب مواطنين وايد اعمارهم فوق الثلاثين وما تزوجو للحين
شي منهم الي يتيم وما يعرف حد عشان يروح يناسبه واللي ملتزم ومحد يباه ويدور مسكين مطوعه مثله وكل حد وظروفه
اتمنى حد لو يقدر يخاطب المسؤوولين بهالفكره او يرسلهم رساله عالاقل لان هالشي بيحل وايد من مشاكل العنوسه وبيمنع انه المواطنين يتزوجون من الوافدين
بيكون في ترابط قوي بين شعب الامارات معا بعظ بدال ما الغريب يدش ويفرق بينا
اتمنى حد يجاوبني او يعطيني فكره او يتصل استوديو واحد يعطيهم هالفكره
لان هالشي بيكون خير على كل عيال الامارات
والسموحه منكم اخواني في الله
والله اخوي انا سمعت ان صندوق الزواج عندهم قسم خاص بها الشي
ها الكلام سمعته من سنتين
اشكرك على خوفك على ابناء وبنات بلادك
فكرة وايد حلوة .. أحسن بدل ما البنت تسير تتزوج اي واحد بس لأنها خايفة من العنوسة .. و لا الريال يسير يتزوج من برع .. اتمنى تلاقي التشجيع .. تسلم يا اخي الفاضل.
اتمنى لو الاخوان فالمنتدى يتكاتفون ويا بعظ ونوصل لحل يارب والاجر بيكون لنا وبنكون سوينا خدمه لمجتمعنا ولبلادنا الحبيبه وللاجيال القادمه
وهالشي بيشجع نسبة كبيرة على الزواج وبيحفظ الواحد بالبعد عن المحرمات والعياذ بالله
شي جميل وفكره حلوه
وانا اوفق على رأيك ..
ان شاء الله توصل هالفكره وتتحقق
شـكــ وبارك الله فيك ـــرا لك … لك مني أجمل تحية .