السلام عليكم
اخواني اليوم مريت وكالة الطاير قلت بشوف الرنج الاسبورت اليديد
والصراحه حلو وايد وفرق كبير بينه وبين الجديم وخصوصا من الداخل
وحتى يلسته مريحه اكثر عن القبلي
المصيبه بالسعر والضمان
كان موجود واحد مصري
يتكلم من ورى خشمه جنه صاحب المعرض
المهم قالي
العادي سعره 320 الف
والسوبر جارج 365 الف

والمصيبه الثانيه مدة الضمان 5 سنوات او 150 الف
واحس انه ال 150 الف شوي الصراحه
وغير ذلك لازم تنتظر شهرين لين مايوصل الموتر
لانه اللون من داخل وبرع يكون على حسبة رغبة الزبون

والله بكون شاكر لكم لو حد يقدر اييبلي خصم يزاكم الله خير

انا اللي ابغيه اسود ومن الداخل هيليوس طبعا سوبر جارج

سئلته قلتله يركب عليه كت HST قالي انه في كت HST معدل غير عن الموديلات الجديمه
راح ينزل شهر 5
دور بالنت حصلت هذا الشكل بس مكتوب Autobiography مش HST
بس الشكل نفس ال HST
ياليت لو يحد عرف معلومات اكثر يخبرنا عن الكت وكم يكلف

نتمنى مساعدة حد من الاخوان بخصوص موضوع الخصم


7 thoughts on “Range Rover Sport HST 2010”

  1. موفق بإذن الله … لك مني أجمل تحية .

    يا خوووووويه انا من وجهة نظري اللي بدون كت احلى وارقى بصراحه شكله دلووع وحليييو ..

    ومن وجهة نظري اللي عليه كت احس انه الكت مكبّر السيارة ومغيّر من شكلها ..

    وهذه وجهة نظري ….

    تعدّدت الآراء … والرنج موترُ هههه

    بالتوفيج يا خووويه

    مع تحيات قسم التحريّات فالمنتدى هع هع

  4. للعلم hst تسميه للخليج بس
    في امريكا وبريطانيا واستراليا يكون اسمه ستورمر كت

    من داخل محسنينه بس بعد الرنج سبورت ماتعيبني
    انا افضل الفوج شخصيه وفخامه وراحه

    وان شاء الله الاعضاء يساعدونك

  5. موفق بإذن الله اخوي … لك مني أجمل تحية .
    انا قبل فتره قريت موضوع لاحد الاعضاء كاتب فيه عنده خصم بس دورت عليه ماحصلته
    عسى حد من الاعضاء يفيدك الغالي

Comments are closed.