السلام عليكم …
ماحصلت حد غيركم يساعدني ويفهمني ..
شو الفرق بين فلل الريف وحدائق الراحه؟؟
اللي اعرفه ان حدائق الراحه تابعه للديار ..
والريف تابعه لمنازل …
شو الفرق بينهم من ناحيه التملك والفلل والمساحه؟
والتمويل؟
وابغي اعرف اسعار السوق بالنسبه لحدائق الراحه وفلل الريف
فيلا 3 غرف بكم
فيلا 4 غرف بكم
فيلا 5 غرف بكم
مابغي تاون هاوس .. ابغي فيلا قائمه بذاتها …
ليت حد يعطيني ويه ويشرح لي بالتفصيل مع اسعار السوق …
ومشكورين
انا معاك اخوي توكسن ..
بس هالحل اخر خيار وصلت له
لا قادرين انحصل قرض مثل الدنيا والناس عشان نشتري بيت نسكن فيه ! ولا قادرين نبني في ارضنا اللي للحين البلديه اتفكر اتسوي فيها خدمات !!
عالاقل يبالنا 5 ولا 6 سنين نسكن مكان بدل ما نتبهدل في بيوت الايجارات
وبعد ما نبني والله يسهل علينا بنقدر ناجر هالفيلا …
عرفت نظريتي الحينه …
حدائق الراحة مقبولة نوعا ما بس أسعار الخدمات تبدأ من 18000 و فوق , غير فاتورة المكيف اللي تبدأ من 1000 الى 1500 شهريا.
مشكور اخوي سمسار عالتوضيح
الحين بس بغيت اعرف الاسعار للفلل
اخوي الريف عباره عن عقد ايجار لمدة 99سنه ومفتوح لجميع الجنسيات اما حداءق الراحه حق المواطنين فقط وتملك والريف عباره عن تاون هاوس كله بس يسمونه فلل لكن هو مو بفللو حدائق الراحه شي فلل وشي تاون هاوس من ناحيه المساحات حدائق الراحه مساحاتها اكبر بكثير عن الريف واتمويل للراحه ومنازل متوفر في معظم البنوك والمصارف لكن الريف تتمول فقط عن طريق مصارف اسلاميه
موفق بإذن الله … لك مني أجمل تحية .