((( ما هو حيوانك المفضل و لماذا )))

.

.

.

.

.

.

السلام عليكم و رحمة الله وبركاته

طبعا انا احب القطط

من صغري وانا متعلق فيهن

كانت عندنا قطوة عاشت عندنا فوق العشر سنوات

وكانت من النوع الـ shorthair

بحطلكم صور تشبهها في نهاية الموضوع

اللي يعجبني في القطط انها حنونة و وفية و تحب صاحبها

يعني تعرفك من صوتك

و اول ماتشوفك تييك ركض

و تحب تمسح جسمها عليك و تحب انك تمسح ع جسمها بعد

و خصوصا فوق الراس وعلى الظهر و الرقبة

والمكان اللي تكره احد يلمسها فيه هو الذيل، فلا تحاولوا

.

.

.

طبعاً القطط حيوانات جدا نظيفة و تلقونها طول اليوم تلحس عمرها و تنظف كل جزء من جسمها

لي ذكريات حلوة مع قطوتنا اللي خبرتكم عنها أول الموضوع

كانت حامل و مكانها اللي تحب تيلس فيه آخر الدرج قريب من السطح

و مرة في ساعة متأخرة من الليل

يت صوب الباب في الطابق الأول

و تمت تموء بصوت وايد قوي و تحاول انها ادق الباب بجسمها

و قدراً الوالدة اسمعت صوتها

طبعاً أمي تحب القطاوة أكثر مني

و تخيلوا شو صار !!

الحبيبة كانت توها والدة و مبيّن عليها الدم و جذي

الوالدة حنّت عليها وكانت قبل تحط لها حليب نيدو بس هالمرة سوّت لها حليب طازج

و سخنته و حطتلها سكر عليه

وقالت حليلها مسكينة يت صوبنا جنها تقول انا ولدت قبل شوي و يوعانة

.

.

.

و عندي مواقف صعبة بعد

كان قطو دوم ألقاه في الدكان اللي ماخذين عالحساب منه

كنت ألقاه صوب الرفوف مالت الفول و المعلبات

و دوم اسير صوبه و ألعوزه و اضربه على راسه

طبعا لأني ماحب القطاوة الذكور و مستحيل آخذلي واحد اربيه في البيت

الحبيب كان شايل عليي و مرة ييت صوبه، قام نط عليي و شمّخني

صراحة الشمخة كانت مؤلمة و النذل شرد و كانت آخر مرة ايي صوبه

.

.

.

.

و هذي قطوة تشبه اللي كانت عندنا بالضبط

بإنتظار مشاركتكم