السلام عليكم ورحمه الله وبركاته
حبيت اقول لكم موقف واختصر فالكلام … كنت اليوم فاضي وقلت بقضى وقتي في معارض العوير معني بالنادر ادخل المعارض وشفت اسعار السيارات وانا حاط في بالي لكزس فورويل … ومريت عند جماعه متيمعين على سياره اكس 6 بيضه وعليها كت هامان وصاحبها يبا يبيعها والسياره ماعليها كلام وانا خاطف بالموتر سمعت الريال يقول انا مابنزل عن 175 الف وانا استغربت ابصراحه من السعر ووقفت اشوف وشفت اصحاب المعارض كلهم يطالعوني حسيت عمرى مسوى شي غلط لاني قلت يمكن ادخل في شي مايخصني وتوني بتحرك زقرني صاحب السياره قال لي اخوي السياره للبيع اذا خاطرك فيها ووقفت وقلت له كم سعرك قال لي 175 نهايتي وابصراحه السياره تسوي 200 الف اقل شي بس للاسف ماعندى فلوس كاش وخاطرى في لكزس ولا خذتها والله وشفت واحد مواطن خاطف وقلت له السياره للبيع ودفع فيها من نفسه 185 معنه كان داخل يدور مرسدس اس بس سبحان الله غير رايه وشرى السياره … يعني اللى يدور سياره خله بس يوقف عند مدخل المعارض وبيحصل السياره اللى في خاطره لانه وايد ناس يبيعون وهم مستعيلين وبسعر التراب وفالنهاية انت المستفيد …. ^_^
بالتوفيق لا اهل المنتدى…
تسلم ويزاك الله خير ^^
وعليك السلام مرحبا اخويه الدبلوماسي ..
والله ياخويه اصحاب المعارض يقصون سعر السياره عدل يوم بياخذون منك ولو من خذها راعي المعرض كان باعها ب 200 مثل ماتفضلت ..
وانا دايم اخطف بين معرض العوير وقبل الشارجه والصراحه اتخبل من الاسعار الخياليه لي يشترون ابها ..
مع اني اسير لولد عمي عنده معرض واشوف يوم يشترون والله بأسعار التراب ..
ربي يوفقك ويحفظك وان شاء الله تلقى لي ف بالك .. وعلى فكره قبل اسبوع شفت معرض اشترى لكزس استيشن ب 210 موديل 2008
كلام مفيد للي يبا يشتري
بارك الله فيكم
صدقت يا خويه
وهل المعارض يضربون فايدتهم من هاللقطات
ومشكور على هالمعلومه والله يكثر من امثالك
عدل كلامك اخوي ……….. وانا انصح الشباب يدورون في المعارض ويسؤلون اللي يوون يتمشون بسياييرهم لأن اغلبهم يبا يبيع ………………. وصار موقف حق ولد خالتي انه كان ساير ويا ربيعه العوير يدورون ميني كوبر وبالصدفه لقو شيبه يبا يبيع لكزس 2007 ال اكس 470 والموتر نظيف تتوقعون كم قاله ………. بس 90 الف وشل الموتر وهالكلام من 6 شهور ……….. \ خلاصة الكلام ياشباب لاتستعيلون في الشرا ترا كل ماصبرت كل ماتحصل الافضل ………………. ونصيحه مني للي يبا فورويل ينطر لين الصيف وجوفوه كيف اسعارهم بيصيرون في التراب ………. وحياكم الله