شو الفرق بين اللكزس 430 الأمريكي والخليجي؟؟

9 thoughts on “شو الفرق بين اللكزس 430 الأمريكي والخليجي؟؟”

1. يعيطكم الف عافيه ماقصرتو

   aboojasem

   انا قلت اسأل لاني شاك بالاسعار وهذا انت وضحت

   فعلا بالمواقع يبالغون بسعارهم

   تسلمون على الافاده

2. أنا يا إخوان كان عندي sc430 أمريكي بصراحة المعاونات الخلفية تختلف عن حق الوكالة ما إركبوا يختلفون أتوقع في أشياء بسيطة تختلف

3. السلام عليكم

   الغالي من يومين كنت فالشارجه وين يبيعون السيايير الوارد .. والأسعار طايحه الغالي و السموحه من الشباب الاسعار الي حاطينها مرتفعه شويه … و المشكله انا نحن معتمتدين عالاعلانات الي نشوفها .. و المعارض .. و ما نشوف غير الحراميه … الواحد ما يسير روحه ويشوف

   الغالي بـ 65 ألف تاخذ لكزس 2003 وارد بأوراق الجمارك و الموتر بقمة النظافه و الله السياره تقول ما حد راكبنها … ومواصفات هالسياره كانت لونها أسود من الداخل بيج .. شاشه .. فل ألترا

   نفس السياره نفس الموديل بس دون شاشه بـ 60 ألف

   وبعد حصلت موديل 2001 فل ألترا ومحول الشكل الخارجي 2004 .. 2005 وارد بأوراق الجمارك يباها بلسانه 48 الف يعني بـ لو تشد عليه بـ 45 بيعطيك .. بس المشكله الوحيده من داخل أسود

   الغالي سير الوارد وشيك … ترا اللكزس الـ 430 طاااايح سعره و الاسعار الي فالنت وااايد غاليه مقارنة بالي برع

   و انت تدري كيف الوارد … لو تشتريه نظيف كأنك ماخذ موتر وكاله … ولد عمي ماخذ سياره وارد ويقول خلال أربع سنين غير السفايف و الزيت (شغلات السيرفس).. و البترول ما دفعت عالسياره درهم واحد

   وربي يوفقك أخوي

4. مثل ما قال الاخ الهواوي

   وحبيت ازيد الخليجي ايي فيه بصمه ونظام التشغيل بدون سويج عكس الامريكي

   الامريكي سعره من 50 الف وطالع

   الخليجي معروف اغلى

   وبالتوفيق ان شاء الله

5. فل الترا الخليجي مايي بشاشه ابداً هالموديل
   الامريكي بشاشه للفل الترا وتلاقي بعد نص الترا بشاشه
   اما الفروقات الامريكي عداده بالميل والحراره فهرنهايت وفيه ليت نهاري يشتغل فالنهار
   اما باقي المواصفات نفس الشي اعتقد

   والاثنين حق مكده

   بخصوص السعر الفل الترا 2001 بين الـ 55 و الـ 60 اذا نظيف هذا للامريكي اما الخليجي ماعندي علم صراحه

   والسموحه

Comments are closed.