السلام عليكم و رحمة الله و بركاته
أخواني،
أنا حاب أقدم في مؤسسة الإمارات للطاقه النوويه ENEC، بس المشكله إني ما أعرف المراتب الموجوده و على أي أساس يتم حساب الرواتب فيها. اللي أنا خايف منه، إني أطلع من شغلي و ألتحق بهم بسبب فرق الراتب، و عقب أكتشف إني بديت السلم من أول و يديد. و هذا بالضبط اللي يصير مع كثيرين من اللي يلتحقون عندنا في الدوام. لأنهم يكتشفون إنهم غلطوا غلطة حياتهم يوم ما عرفوا السلم الوضيفي عندنا و طريقة حساب الرواتب.
فـ إذا في حد يعرف بعض التفاصيل عن هالمؤسسه، يخبرني. و رجاءاً، مابا حد يقولي “سمعت” و “قالولي”، أبا واحد يكون واثق من نفسه، المسأله فيها إستقاله و توظيف، مب لعبه.
و إذا حد بيسويلي واسطه، كثّر الله ألف خيره. << خخخخخ، من بدايتها قام يشحت.
مع خالص شكري، مقدما.
الله يوفقك اخوي متعني ، ويكتبلك الي فيه خير لك ..
له له له يا هندسه شو هالاخبار؟
والله هذا قرار مصيري وفكر عدل واستخير ، وسر لهم قابلهم واعتقد ان المجال يديد وفرصه الوصول فيه والترقي موجوده …
بالتوفيق يا هندسه ولقد سعدت بهذا الخبر
.
حياك الرحمن أخوي متعني
الصراحة ما عندي علم
لكن بغيت أذكرك بالاستخارة
والله يجدم لك اللي فيه الخير
افا افا يامتعني هندسه
تخون عشره العمر والحياه الحلوه والمره خخخخخخخ
انا كنت مسمنك الإبن البار للإتصالات
على العموم ياصاحبي اتمنى الاعضاء يفيدونك او تسيرلهم وتتواصل معاهم بشكل مباشر
اذا عندهم مكتب او موقع او رقم تلفون
ويفضل طبعا تكون زياره ميدانيه اذا عندهم مكتب وتقابل فيها مدير الموارد البشريه او مسؤول فاهم وعارف كل شي مب شرات بعضهم الي مايدلها من وين تهب
والله يوفقك في حياتك الوظيفيه يامتعني
وان شاء الله بعد دخولك عالم النووي
تغير إسمك من متعني ومتصرف إلى مبسوط ومقرش
ما عندي فكره بس داشه اقول الله يوفقك اخويه ان شاء الله
فعلاً قرار لازم تاخذ وقتك في التفكير فيه