محتار بين gt-r و ml 63 amg

9 thoughts on “محتار بين gt-r و ml 63 amg”

1. Ml63 ماعليها رمسه اقوى عن الجيب والبي ام والبورش توربو <— ماادري عن 2011 بس اقوى عن توربو اس 2009
   وشكل حلو وروعه ومواصفاته حلوه
   بس شكلها بيتغير في 2012 ويمكن السنه اليايه شهر 7 ينزل الشكل اليديد

   الجي تي حلوه وقويه بس مب مريحه وياابسه وحشره وصوتها مب حلو ع السرعات الخفيفه جنك تسوق كورولا
   بس من تدعس صوتها يحلوْ اكثر

   اذا معزم تاخذ وحده منهم خذ المرسيدس والـ 63 مميزه ومب منتشره

2. عسى آلآخوآن فآدوك..

   بس بخصوص آل gtr

   آذآ قررت تآخذه تآكد من آنهم صلحو مشآكله آلى صآرت فيه..

   لو لأحظت يت فتره آلكل يعرض جيتي للبيع !!!

   وآلكل يدور كآرآج يصلح قيره ..

   آنآ مب مجرب بس شفت تجآرب آلنآس

   وتحيآتي لك ^^

3. مشكورين للأخوان االي افادوني

4. السلام عليكم ورحمة الله وبركاته

   اخوي العزيز

   لازم تقرر شو تبى بالموتر .. يعني فوريل ولا كوبي …؟

   طبعا بخصوص ال ام ال 63 سيارة ما عليها غبار .. بس اسمحلي .. ما انصحك فيها بسبب وجود سيارات افضل منها وبسعر جريب منها .. وهي البورش كايين تيربو اليديد .. تقريبا نفس السعر + شكل يديد + مكينة تخليك تجن + بورش + امور كثيره !

   بخصوص الجيتي ..
   ما عندي شىء غير الموتر ما عليييييييه كلام سعره بحدود 380 الف درهم .. 2010 خليجي على خليجي .. قوة متانة .. و سواقته حلوه .. ويقولون عدلوا المشاكل الي فيه .. بصراحة سيارة حلوه ..

   اتمنى اني فدتك

5. اخوي اذا عندك عائله انصحك بال ام ال

   اما اذا ماعندك عائله خذ الجي تي

   لان يلفت النظر و احلى

Comments are closed.