قبل اسبوع سافرت واتفاجأت من مسج تعرفة المكالمات!
العام كان التحذير عن خدمة بلاك بيري..
والسنة هذي احذروا من رسوم التعرفة الجديدة الموحدة لخدمة التجوال الدولي (نظام الفاتورة الشهرية)! التفاصيل في الصورة تحت
التكلفة بالدقيقة توازي رسوم الاتصال بالدقيقة من على طيران الامارات وعلى ارتفاع 35 الف قدم من سطح الارض!!
تفاصيل التعرفة:
1- اي مخلوق حب يتواصل معاك ويتصل بك: 4 دراهم للدقيقة!
2- اذا اتصلت في حد بنفس البلاد اللي انت متواجد فيه: 5 دراهم للدقيقة
3- اذا حبيت تتصل في اهلك في الامارات: 10 دراهم للدقيقة!
4- اذا حبيت توفر على عمرك وتطرش مسج: 2 درهم للرسالة..
5- للمكالمات المرئية: ضيف 50% على التعرفة ..يعني للامارات 15 درهم للدقيقة..
وبهذي الطريقة سكرت عليكم اتصالات كل الطرق المتاحة للتواصل..العالم تتقدم واتصالات ترجع ريوس بخدماتها السيئة والرسوم المبالغة
يا جماعة ..شو محل هيئة تنظيم الاتصالات من الاعراب؟
نصيحة للجميع:
اول ما تنزل اي دولة وبتقعد فيها اسبوع او اكثر..اشتر لك شريحة SIM لنفس البلاد واستخدمها مؤقتا او خله عندك اذا دوم تسافر نفس البلاد ..بتوفر على نفس مبلغ كبير اذا كنت من النوع اللي وايد يستقبلون مكالمات ويتصلون…لان الفواتير بعد التعرفة اليديدة..عادي اتصك فاتورتك فوق 10 الاف اذا قعدت برع البلاد شهر..والبلاك بيري روحها بلوة ثانية…
اتصالات ناوية نية على البلاد..متحلفة لنا تشفط فلوسنا بالحلال او الحرام وبأي طريقة ممكنة 
نحن في اي كوكب عايشين؟
تتمنى لكم الاتصالات 
رحلة صيفية سعيدة وان تتغصصوا من الخاطر بعد ما ترجعون من السفرة وتشوفون الفاتورة 
هيه والله اخوي
انا كنت مسافر لأحد الدول الاوربية
جتني في البداية رسالة ترحيب من اتصالات ورقم السفارة…………….وكنت مبسوط وايد واقول للأهل شوفي ربعنا في الاتصالات الاماراتية ما قصرو
الاشوي
ويتني رسالة بالتعرفة الجديدة…….. وعكرت مزاج الرحلة
بس مثل ما قال الاخ صاحب الموظوع الاحسن الواحد ياخذ خط من البلد اللي رايح له او ممكن يستعمل الهواتف العمومية …..اخير من يوم يرجع ويحصل فاتورة التليفون 100000000000000000.5698 درهم
ضمير مسـتـتـر، تقديره “هو”.
بشكل عام دو ارخص في كل خدمات الهاتف المتحرك
كل الناس الحين تتحول دو لان اتصالات تستخدم اسلوب الاحتيال في الترويج لخدماتها
من يومين اقتنعت اشتري بطاقه فاتورة دو
وللحديث بقية
الجواب : لا تحرّك ساكناَ ..
حسبي الله على كل طاغي .. !!