اخواني وخواتي ..
كل التجار و التاجرات في هذا المنتدى ما اتجهوا للتجاره الا للحاجه .. و ما اعتقد حد فيكم يتاجر لمجرد التسليه … وانا وحده منكم .. لولا الحاجه مادخلت وخضت مجال التجاره … صح من البدايه كنت عارفه ومتأكده انه بتواجهني مشاكل وغيره وغيره .. بس ما اتوقعت انها توصل لهذي الدرجه ..
انا انسانه متزوجه ولله الحمد ..و ظروفنا الماديه صعبه خلال هذي الفتره وهذا اللي خلاني ادخل عالم التجاره ..
المهم
انا بعد كل موضوع انزله احط رقم موبايلي (( الرقم الخاص بالتجاره )) للزوار من خارج المنتدى والحمدلله توصلني طلبات عن طريق الرسايل النصيه … لكن انه في شباب بلا ذمه وضمير يتصلون انصاف الليالي و يطرشون مسجات ماصخه هذا اللي انا ماتوقعته ابد … ابسط شي .. شو الفكره اللي بتتكون في بال ريلي عني ؟؟!! غير المشاكل اللي ممكن اتعرضلها لمجرد انه يشوف هالمسجات و هالاتصالات..
وما اقول غير حسبي الله ونعم الوكيل في كل من سولت له نفسه انه يتصل لمجرد التسليه و التعرف ..
تسلمين الغاليه ع الرد ..
المشكله ماقدرت اعدل مشاركاتي ومواضيعي الجديمه … فياريت لو حد من المشرفين او من الاداره يحذف الارقام اللي في مواضيعي كلها ..
ام مروه ..
الغاليه سواء ريال ولا حرمه ما اتواصل معاهم غير بالمسجات .. بس كثرة الاتصالات و المسجات اللي مالها داعي هيه اللي خلتني اتضايق ..
نيلز ..
الحمدلله ريلي من النوع المتفاهم ,,, ما اقولك انه متشدد وحتى قالي اذا تبين تغيرين الرقم من باجر بقطعه .. قلتله لا اغلب زبايني يعرفون هذا الرقم .. قالي خلاص طنشي اي اتصال او مسج يضايقج واذا زاد الشي عن حده بنبلغ عن الارقام ..
بس حبيت اوضح هالنقطه انه نحن لو نحط ارقامنا مب معناته نحن نبا هالنوع من العلاقات او الاتصالات .. ارتقوا بتفكيركم شوي ..
الــ غ ـــآآليهـ في نـآس هاويهـ للتجــآرة يمكن مب للحايهـ .. بس من البيئة اللي تربتـ فيهــآ وسط عايلة تجـآر فالعـآدة خذت عليهـآ (( مثليه ^^ ))
===
مب هـآ موضوعنــآ .. فديتجـ أنـآ وحدهـ عن نفسيهـ ماحبـ أحط رقم فون والا شيـآتهـ غير الايميل للزوار .. واللي يسألنيهـ أقوله
السموحـهـ ماتواصل بالفونــآت لانيه عـآرفة انه وآآيد من هالناس .. أحســلج افتكي من عوآر الرآس .. اليوم ريلج بيصكتـ خلـآف
ما بيعيبهـ .. صح وآثق فيج ويعرفج وجذه .. بس لـآزم مايعيبهـ دامهـ ريال غيور ع هل بيتهـ .. ..
إذ انتي شايفهـ انه المظايجـآت هاي لليومـ توصلج .. يا تحذفين رقم فونج .. والا انج تفتكين وتغيرين الرقم مرهـ وحدهـ
اخذي بالنصيحهـ الـ غ ــلـآ .. .. واذا ماتقدرين خلاص مثل ما قالت اختيهـ أم مروة .. خلي ريلج يرد ع الريـآييل
وعليكم السلام ..
عندي اقتراح بعد اذنج اختي في الله..
اولا / يجب ان تتفاهمين انتي وزوجج بخصوص هذي النقطه ولا تحجبينها عنه ..
ثانيا / تمتنين علاقتج بزوجج بتسألين كيف / مجرد انه يوصلج المسج سوي اتفاق ويا ريلج انه من الغبشه يسير صوب الاتصلات يبلغ عن شكوى ازعاج رقم ..
واتمنى لج التوفيق والسموحه على المداخله
اللي يعينج يالغالية صدق الواحدة تخاف تحط رقمها علشان هالاقلية المعدومة الظمير والي غرضها بس التسلية مو عارفين انوهي حريمة ويمكن متزوجة بعيالها حرام جدي
وانا اقترح عليج انوبخصوص الرياييل خلي زوجك يتواصل معاهم احسن لج