الحياه حلوه الجزء السابع

مساكم الله بالخير صبايا و شباب

ما نزلت من زمان مواضيع الحياه حلوه

بس قلت اليوم لازم انزل

اشووووووووووووووووووف اعصابكم خربانه الله يعينكم

و منووووووووو قال انه لازم الواحد يسير بعيد عشان يستمتع بالجو الخلاب هالايام؟؟ و الا عشان يهدي اعصابه..اصلا الجو حلو و ممتع حتى لو انت في البيت..مب شرط تضرب درب لين البر…<< عاد نحن بينا و بين البر شارع لوول

هاي الصور قريب فريجنا مصورتنهم

خذلك دقيقه استمتع بالجو و بالمنظر…حياتنا استوت كلها شوارع و ارصفه ..ليش؟؟ هاك اليوم خافه على اللفه قريب الستي سنتر..منزله الدريشه و اطالع طيور البحر على الحشائش طرف الشارع..يعني بقعه خضراء و طيوور و ماي يرش و صدق استمتاع…عافانا الله اللي ورايه طر الدنيا بالهرن..بلالالالالالالالالالالالالالالالاك؟؟؟ الواحد ما يقدر يخف شوي يستمتع بمخلوقات الله !! لها الدرجه خلق الله مصروعين على الدنيا

__________________

و منوووووو قال انك لازم تظهر من البيت عشان تستمتع بالحياه..خلق الله هالزمن مستوين مالهم قاعه …لازم برع عشان يفرفشون..الحياه كلها مولات و كافيهات..و على قولتهم اللي ييلس في البيت يخيس!!

لا بالعكس اليلسه في البيت راحه

بس يبالها شوية ترفيه

خذلك تلفزيون كبر القفعه و حطه مجابل شبريتك و انت و الخير رباعه

و اللابتوب..و جابل المنتديات و تواصل مع العالم الخارجي و انت مرتاح اخر راحه

محد قال ان لازم تيلس على المكتب .. يمدحونه الملتي تاسكنج..طالع التلفزيون و و تنتنت في آن واحد لووول

و ايضا يمدحونهم كراسي المساج

و اللي بياخذ من دراجون مول بالف ربيه و ينطله عرج عقب انا اخلي مسؤوليتي عنه لووووووووول

شي كراسي فيهم ميووووووزك..اون عشان الريلاكس على الاخر

____________

و اخيرا رحلتي المطعميه الاخيره في جراند حياة

المكان روعه و الاكل روعه في ذا ماركت كافيه

ودرو عنكم الفووووووود كورت في المولات…شي اماكن روووعه في البلاد بس للاسف مخلينها للسياح

و خطفه سريعه على الكافيه و الجاهي ب 28 درهم لووووووووول

اقوول حق ربيعتي تخيلي راع الجاي يسوي الكرك ب 28 و 2 كرك ب 56 لوووووووووووول

اسمينها بنفتقر

و الحياه حلووووووووووه