اخوي عنده هالمبروك ماشاء الله لااله الا هو وابي منك ارائكم بخصوص الكت والدعسات والتخشيب من داخل وش ترون مناسب وهل الكت على الرنج حلو

وهو عنده نيه ينزل لديار ابناء العمومه الامارات ويبي المحلات اللي تصلح هالشغلات وافضل الاسعار لان الموتر طالع عليه غالي ولا وده يزود تكالفيه

جعل روسكم سالمه وباقيه

والله يخليكم

اخوكم ابو عبدالله

9 thoughts on “تكفون ياعزوتي يأهل الأمارات”

  1. الله يسعدكم ويخليكم ياغالين

    ولا يهينكم

    بس انا سمعت انا الكت ما يكلف الا 7 الاف ريال والدعسات تقريبا 2000 ريال ؟؟

    بارك فيكم

  2. هلا بعيال العم

    حياك انت واخوك واهل قطر في الامارات

    انا كذا مره شفت محل في المصفح

    مشهور بالكتات والتعديلات الخارجيه

    بصراحه شغله شغل وكالات ….دخلت وراواني حوالي 500 صوره لسيارات معدله

    والله شي خيالي

    الكتات من برع مع تغيير شكل البونيت بيكلفك 20 الف ويمكن اقل

    اسم المحل خرخاش في المصفح في له اكثر من فرع

    ونورت ياخوي

  3. اخوي ….. الـــ hst بروحه 20 الف وماعرف حد يركبه بسعر اقل من هذا

    واذا تبا تعديل من الداخل, في محل اسمه المثالي
    يغير تخشيب ولون الموتر من وإلى ………..
    ياخذ من 7 – 10 حسب الشغل اللي تطلبه

    والسموحه منك

  4. هلا بك اخي الزاجل من جدك 40 الف درهم يعني قيمة السيارة من جديد هههههه

    نبي شي اسعاره مناسبة كالكت كم سعره والدعسات كم اسعارها والتخشيب من داخل وربي يسعدك ويسعدكم

  5. السلام عليكم ورحمة الله وبركاته

    تبا نصيحتي, ركب كت hst مع تغيير الشكل لــ 2010
    ومثل ماتعرف اسطابات 2010 من كيلو تبين..

    يعني بيكلفك بحدود 31 الى 40 مع الرنجات
    هذا بالسمكره الخفيفه جداً

    الا اذا تباه قطع كامله مكلمه لازم مداقير 2010

    وخلاف تقدر تستفيد من سامان الموتر
    يعني دعاميات وبنابر واسطابات بياخذونها عنك على 8 او اكثر اذا كنت شاطر

Comments are closed.