ليش اصبح الناس كلهم مستعيلين وما شي عندهم صبر
واصبح الواحد مستعيل في كل شي
في البيت مستعيل
عند الدكان مستعيل
في الدوام مستعيل
في المستشفى مستعيل
عند الاشار ه مستعيل في الشارع مستعيل
واصبح الناس متنرفزين على اقل شي
وعلى الرغم من هذا الوقت يطير بسرعه
في رايكم ليش الناس ما عندهم صبر في هذا الوقت
والا انا بس متوهم
ابغي رايكم في الموضوع هذا لاني بديت احس ان السرعه في كل شي اصبحت ظاهره بين الناس تستحق الحديث
رويال بقولج مثلا وسلامتج من كل شر اذا كنتي تعبانه وسويتي فحص وقالولج بتظهر النتايج عقب كم من يوم بتترين !
اتوقع لا لان صحتج الحين اهم من الوقت
بس فالباقي اللي كتبتيه صحيح وعين العقل شرات اخونا عمير
هذا الزمن زمن السرعه
.
انا ماحب استعيل خصوصا في المواضيع الي تخصني شخصيا احب كل شي على الراحات لنه مصيره الموضوع يخلص دامني اتابعه
اغلب المواضيع فحياتيه تتطلب منيه وقت ما احب استعيل عشان احصل على افضل نتيجه انا اتطلع لها ^_^ ” الرسم ” واحد من هالاشياء ,, لازم له طولت بااال من الخاطر
لكن اذا كان شي يخص الآخرين مثلن أمانه وصلتني لشخص ,, مستحيل يتم عندي الشي يوم واحد لازم يوصل الشخص فنفس اليوم ,,
السرعه بالسياره موضوع آخر ,, هاذا للي شكله ناوي على عمره ! ناسي انه مهما سرع ترا ما بتفرق غير دقائق لا اكثر
ف المستشفى ؟ شو عاد الشي المهم اكثر من صحتيه عشان استعيل عليه !!
في الدوام ؟؟ ليش يعني الدوام بيطير تراني م الاساس ما حسبت حساب الوقت الي بطلع فيه فليش استعيل
عقولت واحد من الدكاتره كان يدرسني ,, قال اذا تأخرتو دقيقه عن الكلاس خذو راحتكم بالثانيه لنه حتى لو ييتو ف الدقيقه الثانيه فأنتم متأخرين فعلا وماله داعي تستعيلون ما بيغير من الموضوع شيء لوووول الله يذكره بالخير
في نظريه اذا الواحد لازم يسابق الوقت في شي ,, فلازم يكون هالشي عمل الخير لنفسه لا لدنياه ^_^
الله المستعان ,,
ماقدر اعلق لاني وحده منهم
كيف الحال ..{
بتكلم عني انا ..
كنت ابا اشتري رقم عن واحد من الشباب بقيمة لاتقل عن 30 الف درهم وقلت له اليوم بخلص معاك قال لي ماقدر باجر ان شاء الله الامور طيبة
رفض .. وقلت له مابي الرقم رغم انه داخل خاطري
وطلبت سلعه وقال صاحبها باجر بتكون عندك بمجرد انه باجر اتصل وقال سامحني بعد باجر بتكون عندك
رفضت وقلت له مابي السلعه
نحن الآن بزمـــــــــــن السرعه .. وماعتقد بان احد ماعندة سرعه ..
اذا جددت جوازك اكيد ودك يخلص اليوم ومطر تدخل ع المدير عسب يمشونك اليوم .. حتى ان كان ماله لزمة يخلص اليوم
اذا شفت طابور امام شيشة البترول بتجاوز حتى تتقدم في المقدمة رغم انه انت فاضي وماعندك عجاله
اذا ولعة الاشارة برتقالية تليها الحمر بتسرع عسب ماتتسكر رغم انك ماعندك شيئ يخليك جي تطوفها
هذي يا الغالي اشياء ممكن تجاوزها بمعناه مالى داعي اصبر فيها
عندك اشياء غصب عنك تصبر فيها
مثل الشمس اذا انت قاعد الساعه 12 بليل مستحيل تقول ابا الساعة تسرع عسب تطلع الشمس
استحالة تركب الطيارة وتقول اباها توصل الهند بدقيقة
وهكذا ..
السموحة والعذر
للعلم : ( هذي وجهة نظري انا فقط )
وشكرآ