مرحبا اخواني
هذا اول موضوع اكتبه في المنتدى
بس بصراحه متضيجه من الخاااااااااااطر ………..
يعني درسنا في الجامعه والحمد لله وكرفنا وكنا من (طلاب المنح) التابعه للبلديه ………على أمل انهم يوظفونا بعد ما نتخرج “صحيح انه في العقد ماشي يلزم الطرف الثاني بانه يشغله” …….المهم
تخرجنا والحمد لله بمعدلات فوق ال3 وكلنا طموح وأمل …..قلنا اللحين الكل بقولنا (اهلا وسهلا) … واولهم البلديه ….ليش لا واحنا كنا طلاب متميزين في الجامه؟؟؟
للاسف اول الي رفضنا هم البلديه ….. قلنا ما عليه بنصبر عليهم ع قولتهم اعادة هيكله …. قلت لهم بتدرب عندكم ع الاقل … والي فاجئني انهم ما يبون يدربونا (مع انه يحق لنا ندرب عندهم بعد ما نتخرج) … بس لسبب ما قالو لا
المهم مرا الايام وانا اربع من مكان للثاني وما خليت بقعه ما وصلت لها اوراقي حتى دبي والشارجه …مع اني مستحيل اشتغل هناك بس قلت عن خاطري احس انه حد يبانا …. هب ماخذين شهايد ع الفاضي..
مره في شهر رمضان دقو لي انهم يبون السي في واعبي فورم مطرشينه ع النت من البلديه …..استااااااانست قلت يا الفرج اخيرا (الحمد لله)
مرا اسبوعين وردو دقو لي (والله ما وصلنا شي) رديت طرشت خلاف مر شهر ردو دقو لي (والله ما وصلنا شي) رديت طرشت وقلت لهم تاكدو وصل ولا لا؟؟؟ ……. قالو اوكى وصل
وبعد شهر بعدهم ردو وقالو ما وصل ……….بصراحه كان خاطري اظهر من سماعة التلفون من الغصه … قلت لهم اوكى انا اللحين يايتنكم وبيب الفلاش ميمري مالتي ويايه وسرت لهم وعطيهم اياهن وتاكدت انها نزلتهن ويبت ويايه هارد كوبي بعد
المهم ………اللحين يمكن مرا 3 شهور وع اساس فيه مقابلات وامتحانات واكثر الي اتخبرهن يقولن سارن وقابلا وامتحنن ……..وانا ولا حتى حد فكر يقولي ما نبيج……. اخاف حتى ورقي الي عطيتهم اياه بايدي ما وصلهم !!!!
زين ليش يتعبوني ويخلوني احلم بوظيفه..؟؟؟ ليش من الاول ما يقولون انهم ما يبوني ؟؟؟ كان اهون عليه تقولي سوري ماشي شواغر ع انها تقولي بندق لج للامتحان والمقابله
حتى رحت قدمت عندهم مره ثانيه هب ع اساس اني طالبة منحه ولاشي جديد
اللحين بكمل سنه كامله متخرجه ……. وكل يوم اتريا الفرج … وكل يوم ادقدق للموسسات ….. ولين اللحين اقدم
صح اشتغلت في شركه خاصه بس مافي شي يشجعني اتم …كل شي يشجعني ادور الاحسن من وظيفتي الحاليه
والله قهرررررررر ………… باجر شكلي بدق البلديه وبتهازب وياهم بقولهم اذا ما تبونا ليش تحطون عندنا امل بالشغل؟؟؟
خبروني شوه اسوي؟؟
ربي يسهل عليج بالوظيفه الي تبينها وتشوفين فيها طموحج وعقبال مانشوفج باعلى المراكز
ان شاء الله يدقون عليج ياختي وتشتغلين
وتبشرينا ان شاء الله انج توظفتي بأذن الله
ماعليه صبري والصبر مفتاح الفرج
مابعد ضيجه الا فرج ويسر من ربج ان شاء الله
والله يوفقج ويوفق الجميع ان شاء الله
البلديه يبالها فيتامين “واو”
ان شاء الله تتوفقين وتشتغلين
اميييييييييييين يا رب
والله صابره شوه اسوي
بس اليوم متضيجه قلت اظهر الي في خاطري لا انفجر
اذا كان فى شاغر بيدقون عليك اصبرى والصبر مفتاح الفرج
وادعى ربك ((اللهم ان كان رزقى فى السماء فانزله وان كان فى الارض فاخرجه وان كان بعيد فقربه ))