_-= اللي يرتفع ضغطه لا يدخل =-_

1_تلعب كوره وأنت حافي ثم فجأة ترفس حصا بكل ماأتيت به من قوه تحسبه كوره..

2_تشرب بيبسي حار من العطش ..

3_شخص يبتسملك وتبتسم له وأثره يبتسم لواحد وراك..

4_كاشخ ومضبط وتتميلح قدام الناس وطرباااااااخ تطيح قدامهم..

5_تنتظر من سنة جدي فيلم يعرض يوم جاء الفيلم أخوك الصغير يصيح يبي السبيس تون..

6_تتابع المباراة وفي قمة الحماس أختك الصغيرة تمر وتفصل الفيش..

7_شريط بلاي ستيشن صعب وموصل مراحل فيه وبقى شوي وتختمه عقبها رحت الحمام ورجعت تلقى الشغاله فاصلته وشابكه مكنسة الكهرب..

8_تصلي وأنت لابس شراب مشقوق..

9_تدخل الماسنجر وماتلقى إلا اللي ماتبغاهم..

10_تعطي جوالك لواحد ويرجعه لك والرسائل محذوفه..

11_تشرق بمويه..

12_تشوف فيلم وواحد جنبك يقول لك القصة..

13_تتفرج على إجتماع دول مجلس التعاون الخليجي..

14_تذاكر وتذاكر وتذاكر وتقطع عمرك من المذاكرة وبعدين تكتشف إن اللي ذاكرته مو داخل معك في الإختبار..

15_تكتب موضوع طويييييل وإذا جيت ترسله يختفي ماتدري وين راح..

16_تسوي فيها متابع مع المدرس وتتورط يسألك سؤال وماتقدر تجاوب..

17_وأنت نايم بعز النوم تجي ذبانه وتغثك..

18_إذا كنت جايب أكل ومشتهيه وحاطه في الثلاجه وإذا رجعت تلقاه مأكول..

19_إذا كنت عند رجاجيل ومعك دله قهوة ثقيله وصبيت لواحد وهو ساحب عليك يسولف..

20_إذا أنت رايح للمدرسه أو الدوام متأخر يصير الطريق زحمه..

21_دايخ فيك النوم بس عليك واجبات كثيرة ماحليتها..

22_مشتري قميص غالي مره وتروح محل أبو عشره وتلقى مثله بالضبط..