السلام عليكم ورحمة الله وبركاته
يالله حيهم الحلوين ,,,

تحية طيبة وبعد .,.

بس كل طلباتي واستفساراتي هي سؤال واحد ..

وين أحسن مكان أسوي فيه عملية الليزك .. أو الألتراليزك أو الليزر … أيا كان مسماها أو نوعها

طبعا في بوظبي أو دبي … أنا دورت دورت وطبعا مغربي فاشل بسبب كثرة المرضى خخخخ

ولقيت المركز الأسباني الملكي .. وقريت السي في مال الدكتور .. مصري اسمه تامر سالم

وماشاءالله السي في ماله يمكن 93479746 صفحة .. ماتعرف شو تاخذ شو تخلي (أو بالأحرى شو الصدق وشو الجذب نياهاهاها)

فــ لذلك أنا أطلب يد العون والمساعده والإخاء من الحلوين الموجودين في صفحة المساعدة هذي .. مب صفحة أتمنى لك التوفيق أو بالتوفيق ان شاءالله هههههههههه

يعني باختصار أبا استشارة بسرعه قبل لا يطب علينا شيبتنا كـــبــيــر المستسمرين على قولة العميمي خخخخخ (السيفي مال الدكتور مأثر علي شوي)

يالله حيهم الحلوين

19 thoughts on “!!!!!__استفسار ودي دموي .. بخصوص عملية الليزك__!!!!!”

  1. هلا اخوي

    في عياده اسمها عيادة الشفاء في دبي
    الدكتور مصري اسمه احمد مسوي العام عملية حق اخوي والحمدلله تمام
    كلفته يمكن 7000 او 6000 ماذكر بالضبط وحميي بعد سوا العملية في نفس العياده

    اذا تبا تلفون الدكتور والعياده بطرشه لك على الخاص

    موفق يارب

  3. فيه دكتور اسمه ( خان ) في مستشفى الزهراء في دبي

    اختي مسويه عنده وايد جين يعني وايد زين

    وطمنا لشو بتوصل

  5. و عليكم السلام و رحمة الله و بركاته..،

    فيه واحد من الأهل سوى انتراليزك في المركز الطبي الدولي في جميرا-دبي عند دكتور أمريكي من أصل لبناني أعتقد اسمه فارس أو فراس.. و الحمد لله مرتاح احينه و ما يصك الطوف شرات قبل بس العملية كلفته حوالي 15,000 درهم.. و سواها من حوالي سنتين.. و مع التضخم السنوي عادي تكون زادت أسعارهم احينه..

    فيه عيادة ثانية في مبنى ابن سينا في مدينة دبي الطبية.. بس للأسف ماعرف اسمها.. فيها دكتور مصري شاطر .. يسوي العملية على 6,000 درهم على ما أعتقد.. لاحظ الفرق في الأسعار..!

    و بعدين عملية الليزك أو الانتراليزك صارت شرات شكة الإبرة.. يسويها الدكتور في دقايق و غالبًا مضمونة النتايج..

    بالتوفيق أخوي.. و إن شاء الله تضبط معاك العملية في أي مكان تسويها..

Comments are closed.