السلام عليكم ورحمة الله .. بغيت اشاوركم قبل ما اشتري السياره الجديده اللي اول مره تطأ رجلها ارض الامارات من نوع جمس ينقال لها اكاديا .. شو رايكم فيها … و بغيت اعرف اذا الجمس يحافظ على قيمته اما لا … السياره موجوده في بن حموده و ايضا موجوده في المارينا مول معروضه هناك …
لا تبخلون علينا بالمشوره …
60 thoughts on “Acadia”
Comments are closed.
أنا شفت السيارة البارحة وعيبتني
لكن انت متأكد ست غيار
أنته تفكر تبيعها من أول مرة…….
السيارة إذا تباها تأخذها لو شو يستوي فيها… وعموما الجمسي قيمته فيها من بين كل السيارات الأمريكية….
المهم موفق… والواحد يا أنه يأخذ فول أوبشن أو لا
مشكور نحوووووول .. وانا قلت اذا سعرها على 130 بشتريها اذا اكثر .. ما باها اخاف من سالفه البيع انها ماتييب لي سعر …
اسف بدور .. كنت متردد اقول هذي واحد ولا وحده .. بس ما ادري كنت مقتنع اكثر انه واحد قلت اروح لاقل الضررين ههههههههه اذا وحده بتسامحني البنات دومهم طيبات .. بس الشباب بيتمون يعايروني فيها سنه …
Ad55 مشكور اخوي .. جربت السياره كسواقه ماعليها كلام وايد اوكي .. بس 6 سلندر تراها و 6 غيار بس بعدها عاليه اشوي … واخاف ما تييب لي سعر اذا بغيت ابيعها في المستقبل … لان سعرها عند بن حموده فول اوبشن 154 الف درهم
السياراه في بوظبي مول معروضة… اليوم سرت وشفتها… الصراحه تطور في الجمسي… وحجمها ما شاء الله زين… لا صغير ولاكبير… الصدق أحلى عن الأنفوي بوايد…. وشكلها مميز…
أخوي… سر الوكالة وأطلب تست درايف قبل ما تقرر… والله يوفقك…. سيارة حلوة ..عجبتني
مشكوره وماقصرت يا بدوور … بس شو رايك في شكلها … لان سعرها تقريبا 154 الف درهم في الوكاله
آخرتها (بدووور) ,, الله يسامحك يا uae_73