في الجرايد حاطين عرض خطير لـ أودي Q7
سعر السيارة 305,000 درهم
ثلاث سنوات ضمان و خمس سنوات صيانة
واللي أهم من هذا كله, أن يسون تمويل لمدة 4 سنوات بدون فايدة مع أبوظبي الإسلامي
بس حبيت أسمع رأي الشباب في السيارة من ناحية الأعطال أو العيوب إذا في شي..
و أهم شي, هل الكراسي مريحة للمسافات الطويلة؟
الصراحة أنا محتار بينها و بين لكزس Lx 570 و مرسيدس Gl 500
لا تبخلون علينا بتجاربكم
والسموحة
أنا أشوف راي ذيب بوظبي 100% صحيح وأنا أأيده وبقوة الأودي بشكل عام غييير
نصيحه وانته ابكيفك كاديلاك اسكاليد 2010
السلام عليكم
اولا انا عندي بورش جي تي اس مب اودي…
حبيت افيد راعي الموظوع اما اللي علقو انا احترم رايهم ..
شيخي انا ربيعي عنده q7 سته سلندر بودي كت abt والموتر مكمل عنده سنه الحين والحمدلله ما اشتكى من شي وانا دايمن اطلع معاه وبصراحه كراسيها جدا مريحه…
وثاني شي الحين اذا بتاخذ سياره عالبنك ..الفوايد لا تقل عن 40 الف ..وين بتلاقي مثل العرض هذا …اذا فلوسك كاش بتفرق معاك لانك ما بتكون في حاجة البنك ….اذا عزمت عالاودي عليك 8 سلندر وكت abt والله انها وحش….
والحين بعلق عالكزس…السياره حلوه ومن داخل اروع…بس تعالو وشوفو السيفتي اللي فيها ….البريكات عله وما تنفع ومب ثابته وبديها حدث ولا حرج وفي الاخير ياباني..
بالعقل وين ياب الياباني عند الالماني …
وفي الاخير شيخي هذا رايك ونحن وظحنالك الموظوع والحين انته استخير ربك وانشالله خير
النابوده معاملتهم جدا جدا جدا سيئه انا عندي اودي و اصيح من المعاملة السيئه واذا حصلت شراي علي طول ببيعها
الواضح أن الناس متحاملين على وايد على الـ أودي
أنا الصراحة أشوف العرض مغري جداً
بس أكيد رأيكم يهمني
البيع راح يكون بعد 4 سنوات
و على فكرة اليوم علي و أولاده بيسون عرض أحسن من النابودة
يقولون بيعطون سعر أحسن و الصانة راح تشمل الفرامل و الصفايف و أي قطع غيار ثانية لمسافة 100 ألف كيلو..
بخلاف السعر بعد البيع, كيف السيارة من ناحية الإتزان و الراحة؟ هل كراسيها مريحة؟