في الجرايد حاطين عرض خطير لـ أودي Q7
سعر السيارة 305,000 درهم
ثلاث سنوات ضمان و خمس سنوات صيانة
واللي أهم من هذا كله, أن يسون تمويل لمدة 4 سنوات بدون فايدة مع أبوظبي الإسلامي
بس حبيت أسمع رأي الشباب في السيارة من ناحية الأعطال أو العيوب إذا في شي..
و أهم شي, هل الكراسي مريحة للمسافات الطويلة؟
الصراحة أنا محتار بينها و بين لكزس Lx 570 و مرسيدس Gl 500
لا تبخلون علينا بتجاربكم
والسموحة
خذ اللي في خاطرك وتوكل على الله
في النهايه بتاخذهم من الوكاله وعلى الضمان
عاده انته واستخدامك
با التوفيق ان شاء الله
الصراحة كل السيارات اللي في بالك ما عليكم كلاااام
ومن رأية أنا السيارة بالاستخداااام والاكثرية عليهم اعطال احينة بي يبالها اللي يحافظ عليها ….
إستخير لربك
وبالتوفيق
السلام عليكم وصباح الخير
إختلفت أراء الأعضاء من مأيد ومن معترض
تبي نصيحتي فكر بعمرك إذا عندك مشاريع مستقبلية تبى تسويها .. سواء زواج (إذا كنت مب متزوج طبعا) أو مصاريف العيال والحرمه (طلعات وسفر وترفيه لهم)
يا جماعة الخير .. ترى الناس
مخابر ماهي بمناظر
وبعدين الأودي معروفة .. الناس بتقول والله الأودي سياييرها ما عليها كلام .. الحينه فهالزمن ماشي سيارة ما تخلى من الأعطال وكل إنسان وطريقة استخدامه للسيارة .. وإنت عارف قصدي .. والمشاكل لو بقارن لك من السيايير الصينية واليابانية لين الألمان والامريكان .. بتحط فلوس على موترك للصيانة بتحط ماشي مفر .. ونصيحتي الكبيرة واللي هي أهم من كل الكلام اللي بتقراه وبتسمعه ..
إستخير لربك وترى الكلام يكثر والعروض تزيد لكن إرجع لربك واستخيره بهالشيء
هذا مجرد رأي الشخصي .. والسموحة ع الإطالة
————للرفع————-
شكراً لـ ذيب بوظبي و الأخوان الباقين
الصراحة كلامه مقنع جداً
ما يمنع نسمع آراء باقي الناس
طبعاً في النهاية هي استخارة رب العالمين اللي بتحدد.. جزاكم الله خير