السلام عليكم ورحمة الله وبركااته
الساكت عن الحق شيطان اخرس …. والصراحه تفاجأت و انصدمت ان الريال الي هووه binshaheen تم حضره “عبره لمن يعتبر” وهذا كلام كبير الصراحه في حقه …
انا من الاشخاص الي اتعاملت مع الريااال .. والله ثم والله … انه ريال كريم .. وراعي معنى .. حتى انه يااني من اخر الدنيا وقطع عشاااه في المطعم بس عشان يوصلي البضااعه .. وخذت من عنده 3 غراش من هالعطر بسعر 660 درهم
وعزمي على كرك بعد لوول
… هب مثل بعض الاشخاص تبا العطر ادفع جيمة العطر وادفع التوصيل وادفع ما اعرف شوه …. يعني نهب في نهب …. انا ماألوومهم …وكل واحد حر في تجاارته…. لكن المشكله هم الي وصولو الكلام للمشرف العاام … ما يبون يرحمون ولا يبون رحمة الله تنزل
وللعلم كنت بغرم وااااااااااااااااااااااااااااااااااايد واااايد وكنت بشتريه بسعر خرافي بس الحمد الله فلووووسي حلاااااااااااااااااااااااااااااااااااااااااااااااا اااااااااااااااااااااااال !!!!
انا اول شي ما ارفع الخطأ عن الريال …الواحد عنده ظروفه وعنده اشغاااله … والريال راعي سفر وراعي بزنس واشغااال … والريال متواجد على حسب كلامه في “مالطا”
لكن بعد ألووم واعااتب الاداره … المفروض تسعى وتحقق من صحة الكلام الي يجييها من الاعضااء .. لان البعض الله يسامحهم القصد التشويه والبخس في سلع الاخرين… ويحكموون ابتسرع.. من دون وجه حـــــــــــــــــق … “والله اني منقهر منهم” وللاسف هم وايدين في المنتدى ..
المفروض يشوفون تعاملات الريال من قبل … هل هو شخص زين او لا … وبعدين الريال ما عنده مشاركه ولا مشاركتيين عنده فوق 500 مشاركه !!! يعني بالعقل!!!
ردا على بعض الاعضاااء:
العالم في كساد اقتصادي والعملات كلها نازله يعني المعادله كالتااالي:
اول شي الباوند ناااازل يعني تقريبا 5,3 والعطر في لندن 95 باوند يعني يطلع 530 درهم والريال مش “طماع” ولا انه ” استغلااالي” يعني يبا يبييع بالمعقوول .. يستفييد بالقلييل ويفييد الاعضاء… وانا اعرف العطر لاني ادرس في بريطانيا واعرف سعره !! بس ما كان متوفر يوم انا بغييت اخذه
وانا استغرب من بعض الاعضاء … يوم الواحد يعرض سلعه بسعر خرافي و يبييعون الشي غااالي قاالووو انته وايد امغلي سولنا خصم !!!!! ويووم يبييعون الشي برخييص قاالوو … اووووووووووف انته حرامي وجذاب … ومستحيل هذا الكلام
انا والله اني كنت داخل المنتدى ادور على موضوع الريال عشان اشكره وارفع موضوعه ولكن استغرب من البااان …
على العموم ادري ناس وايد بتزعل من كلامي ويمكن بعد انراغ من المنتدى والحق الريال بس ما يهمني .. الي يهمني اني اقووووووول كلمة حق
ومشكورين للي قرو الموضوع .. ويشوفووني على حق … ويزاكم االله خير … والي يشوفووني على غلط الله يسامحكم 
لا حول ولا قوة إلا بالله..
الله يوفق الجميع في تجارته.. وبالفعل.. أنا أشوف انه لابد من التأني في اتخاذ مثل ها القرارات.. لأنه بالفعل في ناس تستحق الطرد.. وردودها مزعجه وغاليا ما يخربون المواضيع.. ولكنهم للأسف بعدهم موجودين..
الله يهدينا ويهدي الجميع
مشكورين على مرووركم وردوودكم الطيب هذا
حشا تسكن ليذر خبل بالعرب … ليكون حاطين فيه كوكايين؟؟؟
وان شاء الله ينشل البان عن الريال
ومشكورين مره ثانيه
مب جني البارحة شفت حد من الشباب حاط رابط لموقع يبيع العطر بـ 180 دولار !!!
انمسحت مشاركته ؟؟؟؟؟؟؟
ليش يا مشرفين وادارة
( بس الحمد لله اني خزنت الرابط عندي )