بإختصااار شديد,, انا اشتريت بي ام 740 2009 الجديدة
طبعا من اول يوم طلعتها من الوكالة اختربت ووقف كل السستم اللي فيها ماطالع يشتغل شي ابدا
وبعدين تبند في الخط وما تشتغل واضطر اشحنها للعين
الوكالة تجهل سبب العطل ورفضت تبديل السيارة لانهم حرامية الله لا يسامحهم
اشتكيت في المكتب الاقليمي وما سوولي شي
اشتكيت عند المدير العام (آرنو) الحرامي وماسوالي شي بس وعوود كاذبه
واستمريت على الحالة نفسها لمدة 6 اشهر
واخر شي بعد السيارة وافتكيت ولله الحمد
وانصح كل من يبا يشتري يبعد عن البي ام لانه خدمتهم زبالة والكلام اللي يقولونه اول ما تشتري السيارة يختلف 180 درجة بعد ما تشتريها
لايقصون عليكم ويقولون سيرفس 5 سنوات,, صحيح سيرفس 5 سنوات بس تاكدوا انه 4 سنوات السيارة بتم في الوكالة من كثر الخراب وفوق هذا الخدمة تعبااااااااااااانه وكله كذب في كذب
والسموحة ,,كتبت الموضوع بسرعة واي استفسار انا حاضر
مشكووووووووورين على المرور والمشاركة
والصراحة وكالة البي ام حرامية والله يعين اللي ابتلى
وبالنسبة للاخوان اللي يقولون اني وهقت الشراي وماخبرته بالاعطال,, اقولهم انا خبرته وهو اشترى السيارة وهي واقفه في السيرفس
والسموحة
اخويه الله ايعينك
والسيارات اليوم كلها مشاكل من الروز لين البي ام والمرسدس والاودي
زادو التكنولوجيا والاشياء الاتوماتيكية فيها وكلها تجارب على حساب المستهلكين
تدري لو المشكلة هاي صارت في امريكا ولا اوروبا بتقوم الدنيا ولا بتقعد وبتشوف الجرايد والمجلات كلها تكتب
وبتشوفهم يدورون بيتك وين عشان يخيرونك يعطونك فلوسك ولا سيارة ثانية
وهني عندنا يقولك جمعية حماية المستهلك ياعمي هم لو يقدرون على شي شان نزلوا سعر قوطي الحليب يوم رفعوه
بتعتقد بيقدرون على وكالة البي ام ولا غيرها
اخويه صدق ان الفطيم ماحد يمدحها الا القليل لكن نصيحة اخو مجرب عليك باللكزس صدقني اللي ايقول تقنية المانية وخرابيط
اقوله اللكزس اتحدت الالماني وغيره من السيارات واللي يريد يشوفلي مرسدس موديل 91 مع لكزس موديل 91 اعرف شباب سكانين راس الخيمة ويشتغلون في ابوظبي وعند بعضهم لكزس 91 وبين يوم هيه ويوم لا يروح راس الخيمة والسيارة عمرها ما اشتكت غير ايل وفلتر والله معاك
اليوم الناس تنظر للاستعمال وخلص ولت ايام المظاهر والسيارات الفخمة يوم تبى تكشخ اجرلك فانتوم ولاترقد خله شغال 24 ساعة لين تشبع ورده
اقولكم هذه وجهة نظر يمكن البعض ايواففقني عليها ويمكن البعض يخالفني
ورجاء اللي يخالفني بنتناقش معاه لين تتقارب اراءنا
وسلامتكم
السلام عليكم
الله يعينك
انا عندي bmw الفئة السابعة , و الي في الوكالة اكبر حرامية و نصابين، اتحسهم يايبينهم من الشارع
و الله لو تشتري السيارة من المعارض يمكن ارحم منهم لانك اتعرف انهم بياكلونك فتاخذ حذرك
انا نصبوا علي و انا اقول هذي وكالة و لازم الثقه اتكون موجودة، و الله ما يسوى ندفع حول النص مليون، و نتبهدل
والله تمنيت اني شاري كامري من المعارض و لا الصدعه
على العموم انا مشتكي في المكتب الاقليمي و ماشي فايده يقولون نحن بس نسوي فورورد للشكوى و هم بكيفهم و الحين مشتكي في وزارة الاقتصاد و قريب برفع عليهم قضيه بس يوم افضى
اخوي البيمة بعد بيقولولك لا تغطية للكوارث الطبيعية ………………….
الله يعينك اخوي
و للي يقول ليش تطلعها في المطر عيل ليش مسوين للسيارة بودي؟ ليش حاطين اغطية للمكينة و للكمبيوترات ؟ و بعدين لا تنسى انه في دول تكون نسبة الامطار عندهم كبيرة و شبه يومية و نفس السيارة تنباع عندهم ليش ما صار شي؟؟
و للعلم اذا الوكالة رفضت لانه عطل خارج الضمان فعليك بمراجعة التأمين اذا كان شامل.